نسيت آنه ناسيك
ويم بابك عثرت الروح
من شمة عطر طاريك
نسيت العهد والجلمات
وبزهكت زعل
حسبالي العشگ ضاع
أثاري أنتَ دمع
بس أبچي أبديك
نسيت آنه ناسيك
نسيت أنت وعد … وبالگصه محفور
وبالكلب أنتَ جمر
بركان دوم يفور
عشرين مره ابتعد
ويردني شوگي بيك
نسيت آنه ناسيك
ناسيك لاچن بس حجي
لقلقه ولغو السان
والفكر يمك منتحر
وعيونك فقط نيسان
أشرد أتيه وأبتعد
وبراس الركن ألكيك
نسيت آنه ناسيك
.
.
.
.
.
نسيت العمر ينگضي
يوم أبأثر يوم
وساعات الفرح من تجي
تمحي أثر ألهموم
لون بالحلم صدفه نلتگي
يظل عطرك بالهدوم
أنساك ..!!!
أله أتخبلت
شلون انسه روحتي
والروح امچلبه
ومتعلكه بيك
وعيونك
أبد ما يوم ناسيك
بقلمي
هاني الهاشم
قد يصعب على بعض الأعضاء فهم معاني بعض الكلمات لأنها باللهجة العراقيه..أنا مستعدٌ لتفسير معناها
