موضوع متكامل عن الاكسسوارات{خاص للبنوتات النعومات في تعب قلبي}.. موضة

السلام عليكم و رحمة الله و بركاته..

كيفكم يا حلوات؟؟

ايش أخباركم؟؟

كيف نتايج الامتحانات؟؟ <<< شكلي بنقتل :35:

المهم..شفت هذا الموضوع و عجبني و حبيت أنقله لكم مع بعض التعديلات و اللمسات من عندي..

الموضوع منوع..و مقسم لعدة أقسام..

القسم الأول:

عن الحلقان..و ما أدراك ما الحلقان؟؟

أنا ما أقدر أشوف حلق يعجبني في محل اكسسوارات و أقاوم شراؤه.. :35:

الحلق اضافة مرة روعة على اللوك ..!
على حسب الحلق اكيد ..!
اليوم قلت نتكلم بتفصيل اكثر عن الحلقان وايش اللي يناسبك ومتى نلبسها وهكذا ..
نبدأ اول شيء بصورة من الوكبيديا عن الحلقان وهذي الاماكن اللي ينحط فيها الحلق في الاذن ..
أغلبيتنا نستعمل المكان رقم 9 ..

وبعض البنات تستخدم رقم 1 ..ورقم 8 ورقم 7 و 6 ..
طيب وهذه الآلة اللي يستخدمونها عشان يحطون ثقب للاذن ..

و بعض ما نسوي الثقب يبغالنا حلق صغنون يثبت الثقب نلبسه لفترة ..

طيب بصراحة كذا .. انا ما اهتم بالحلق مع انه مهم ..
ليش؟ لأنه شعري مغطي على اذني وقصير من فترة طويلة ما رفعت شعري..
لكــــن هالفترة اللحين اللي حكيتها لكم ..شعري لا قصير ولا طويل ..
وبعد تعليقاتكم والله بديت افكر اطول شعري مع انه معذبني ..!
فالمهم كأنه عجبني فكرة انه ارفع شعري ولو انه طالع زي ذيل الارنب بس يلا افضل من انه يكون افكه ..
فصرت احتاج الحلق ..! واكتشفت انه يحلي الشكل بطريقة فضيعة ..ويعطيكي اناقة لملابسك ..!

نجي اللحين لشروط لازم تكون في الحلق ..!

1- لازم يكون يناسبك ..مثلا اذنك صغيرة وتلبسين حلق اكبر منك ورح يوجعك لأ معليش ..! او مثلا الحلق مو حلو عليكي بس ممكن يطلع حلو على غيرك ..عشان كذا نراعي نختار الحلق اللي يناسبنا وشكله حلو على وجهنا ..

2-نوعية الحلق ..بلاستيك حديد ذهب ألماس ..المهم شكله يطلع حلو والنوعية ما تحسينها خفيفة وبسهولة تتعفط و شكلها ما يعطي بريق ..!

3-شكل الحلق ..هل هو ماشي مع الملابس اللي انا لابستها ..! هل هو مضيف على شكلي ولا ماله فايدة وشعري مغطيه ؟!

نجي اللحين للمحلات الحلوة اللي تبيع حلقان تماام ..
اغلب الناس يروحون كليرز صحيح فيه اشكال غريبة وحلوين نعومين وبنوتية ..لكن بصراحة اسعارهم مالها داعي بالمررررررررررة
يعني اتخيل اشتري 3 حلقان يطلع الحساب 100 ريال !
انا ما كانت نظرتي كذا لأنو كنت احسب هذي الاسعار عموما ..لكن يوم رحت شفت محلات ثانية اكتشفت انه ما عندهم سالفة كليرز ..
في محلات كثيرة حلوة وارخص من كليرز ..! وفيها برضو حاجات حلوة ..مثلا في الحياة مول اول ما تطلعون من المطاعم في كشك قدامكم ..شوفوه فيه حاجات حلوة ..برضو في داخل محلات الملابس تلاقون زي الستاند عليه اكسسوارات ..
محل (كوتون) فيه اكسسوارات حلوة وتلاقون المحل هذا في صحارى الدور الأول و حياة مول ما ادري وين بالضبط والرياض غاليري في الدور الثاني ..
عندكم كمان اكسسوارات ريفير ايلاند تجنن ..برضو تلاقونه في صحارى بالدور الأول جنب النافورة لووول وين بالضبط مدري ..!
وتلاقونه في المملكة الدور الثاني بس مدري فين اختفى ماني متأكدة يمكن شالوه ..!! <<< هذا في الرياض..

أنا في جدة أشتري من محلات مختلفة..
يعني الحاجة الحلوة واللي سعرها مناسب يبيلها بحبشة
وتدوير ..زي ما قلت محلات الملابس تلاقون فيها ..
طيب نشوف شوية صور لحلقان ونشوف مع ايش رح تطلع مناسبة ..!

عندنا هذا الحلق ستايله نوعا ما تحسونه هندي ..حلو ترفعين شعرك من جهة او من جهتين وتكونين لابسة توب
بلون التركواز او الزهري ..! بيطلع خياااااااااااال ..

الحركات هذي والفيونكات بتطلع مرة خطيرة لو انتي لابسة لطلعة مع صاحباتك واللوك حقك نعومي وداخل فيه ابيض او احمر او حتى اسود ..ممكن يكون شعرك نص رفعه وبطريقة ناعمة يبان فيها الحلق ..