مناجاة كلام جميل

يالله يا محيا العظام الهميدي = تحيي فؤادن ضره الوقت ضرّا
واتعيد حظ(ن) صد عني تعيدي = وتجعل شرابي حلو ماهوب مرّا
واعيش باق ايام عمري سعيدي = وتفر عني وجه الاحزان فرّا
وتجعل فعل عبدك ياربي سديدي = وتجعل كلامه خير كله ودرّا
وتجعل متاعه من حياته يفيدي = في يوم له كل الخلايق تمرّا
وطالبك قبل الموت ليِّه يبيدي = تجعل ختامي خير ماهوب شرّا
ولاصرت فالبرزخ وحيش(ن) وحيدي = تجعل ونيسي فيه فعل(ن) يسرّا
وطالبك يا غفّار فردن مجيدي = تعفو عن الخايف بذنبه أقرّا
وتنجيه من عذاب نار(ن) شديدي = نار(ن) بها انكال واتفوح حرّا
نار(ن) بها زقوم وابها صديدي = وسلاسل(ن) بالجوف تنجر جرّا
اعتقني منها يا إلاه العبيدي = واكتبلي الجنة ياربي مقرّا
ياواحد(ن) تفعل مثل ماتريدي = انت الذي تعلم خفا كل سرّا
لي دعوة(ن) بلّح فيها واعيدي = اجعل ختامي خير ما هوب شرّا