مرات يفهمني غلط لانصحته..
غير الكلام اللي تقوله عيونه
انا ادري اني في كلامي جرحته
بس العتب سر القلوب الحنونه
ماني بقايل وش خذا وش منحته
والله ماني ذاخر (ن) شئ دونه
العمر لامني جمعت وطرحته
انا اشهد انه ما يساوي بدونه
ماهو بخاسرني متى ماربحته
وبذات مني ماتجيه المهونه
ياكبر ذنبه لا شكيته وصحته
وشلون اخون عاد وشلون اخونه
يمكن لو اكشف له غلاته ذبحته
ليته يصدقني ويكذب ضنونه
شافوه بعيوني وقالووو فضحته
وشلون لو شافو بقلبي طعونه
يكفي امر البيت لو ما لمحته
راعي الهوى مرات قلبه عيونه
ن ا ي ف
