محتآر

آختار آحبك وإلا آختار مغليك = حيّرتني يا حلو في نوع وصلك
لا قلت أحبك قلت ما بيك ما بيك = ولا قلت لك مابيك ضاقت فعقلك
حيّرت قلبن طول ليله يناديك = صوته وصل لحدود جيران أهلك
أهديت لعيونك هوى القلب ( وش فيك ) = ترفس هوى قلبي على كيف جت لك
تطفي شرار الشوق وماهو بمطفيك = تلعب على حبلك وراضي بحبلك
ضاعت بي إعلومي إذا عشت طاريك = وترجعلي إعلومي إذا رحت كلك
لا غبت عن عيني هَنَآ القلب يرجيك = ولا جيت عندي نطنط القلب لاجلك
ارسم لك النجمه على ورد وأهديك = وأسأل لك القمره متى وقت حِلك
يا سارقت أصل الحلا وما توافيك = كلّ الصبايا اصل واحد من اصلك
وجهٍ بلا كحلٍ بلا زينت الميك = نصف الحلا الاخر تجمّع في شملك
يا صاحبي خيّر ترى الخيره معطيك = هوّن على قلبي ولا يشيل حملك
ولا قلت احبك قلت لي سم ولبيك = يكبر في عيني حبك إلي فوصلك