ماهزني فـرقاك كلام جميل

لا ماتغير في حياتي ولا شي = ماهزني فرقاك حتى ثواني
العام تدري حبك بقلبي الحي = واليوم تدري في خطاك بزماني
في كل يوم تحطلي زي ٍ وزي= ارجوك تكفى شفلك انسان ثاني
عذبتني وش فيك ماترحم شوي = الظاهر انك ماقريت المعاني
حبيت اذوق وجنتك دمعة المي = حتى تشوف اللي جرى ياأناني
وش عاد ماكفاك سلمتك يدي =ابغى ادور سهمك اللي رماني
واقوله مقهور يا حامل الكي = صرت بضلوعي تحتويك المحاني
لكن تأكد انطفى منك الضي = لا لا تدور لحظة ٍ من حناني
عفت المحبة من سبب قلبك الني = عفت الذي سواها قلب ٍ نساني
ان رحت والا جيت ماتنحسب لي= هذا الكلام اللي طلع من لساني