كل سنة وانتم طيبين النهارده جبتلكم طريقة الشوكولاتة النوتيلا للسندوتشات وكمان ممكن نحشى بيها التورت او نحطها على الدونتس وكمان ممكن نحشى بيها الكرواسون او الاكلير وطريقتها سهلة وطعمها تحفة ومكوناتها متوفرة فى كل بيت وانا جربتها وطلعت جنان وولادى بيموتوا فيها وان شاء الله مش هتبطلوا تعملوها فى بيتكم يلا نبدا
المقادير
1-علبةقشطة من أي نوع..(حوالى 250جم)
2-ملعقتين كبيره(ملعقة الأكل)كاكاوبودرة غامق
2-ملعقتين كبيره لبن بودره..
1-كيس كريم كارميل(مغلف واحد فقط)اللى استخدمته وزنه حوالى 60جم..
2-فنجانين ( قهوة)سكر مطحون بودرة..
12 ملعقة صغيرة نسكافيه بودرة
رشةفانيلا حسب الرغبه..
ملحوظة لازم المكونات كلها تكون بودرة يعنى لو النسكافه او بودرة الكريم كراميل خشنة اطحنيها الاول فى المطحنة وبعدين ضيفيها لباقى المكونات
الطريقة
تخلط جميعها مع بعض في بولة وتضرببالمضرب الكهربائي جيدا تم توضع في علبه زجاج(برطمان زجاجي)..
وتوضع في الثلاجه لحين إستخدامها..
وعلى فكره يابنات تنفع للحلويات تحطيها على وجه الكيك اومع البسكويت او سينبون الشيكولاتة او اذا ما عندكيش شوكولاتة زى مارس او ميرو او الشيكولاتة السادة علشان تسيحيها وتحطيها على الحلوياتمثل حلى السنكرس وغيره الطريقه دى تغنيك عنهم وبالهنا والشفا
اى استفسار انا فى الخدمة يا حلوين
