الجزء الأول
في بيت أبو خالد
دخل خالد على أمه والفرحه مالية قلبه والبسمه اعشقت شفاه والدنيا مو واسعته بقبوله بالبعثة بمصر،،،
خالد: يمه باركيلي تم قبولي بالبعثة في مصر واخيرا تحقق حلمي.
أم خالد:مبروك يايمه عسى ربي يوفقك وترفع راسنا بالشهادة.
ودموع الفرح تملي عيونها وتحضن ولدها..
الشخصيات:
خالد: شاب وسيم،خلوق،طيب،حنون والرومانسية عايشة بعروق دمة،،عمره أربعة وعشرين سنة ،خلص دراسته الثانوية واشتغل رجل اطفاء وحلمه الوحيد يدرس بمصر المحاماه وتم هالشي.
أم خالد :الأم الحنونة محبوبة عند الكل عمرها اربعة وخمسين سنة عندها ولدين وأربع بنات.
طلع خالد لغرفته فوق ومتلهف على انه يكتب مسج ويرسله لحبيبته فاطمه ويفرحها بهالخبر..
المسج : حبيبتي الغالية فطوم واخيرا تم قبولي بالبعثة من فضل ربي ودعواتكم انتي وامي..
"فطوم حياتي لج وحشة عيت تفارق عيوني وإن غبتي كن الكون في غيبتج غاب"
في بيت ام محمد….
صحت فاطمه ع صوت المسج ولا اسم خالد ميته من الوناسه مسج من الحبيب..
وفجأه انصدمت من قرت بالخبر بس بنفس الوقت افرحت له من قلب.. وردت عليه بمسج …
المسج :ألف ألف مبروك حبيبي وعسى الله يوفقك يارب وترجع لي….
"عمري مهما اغيب مكانك هنا بالقلب"
قامت فاطمه من نومها تركض لأمها تعلمها بالخبر…
فاطمه: صباح الخير يمه
أم محمد: هلا صباح النور
فاطمه:يمه خالد اقبلوه بالبعثه وبيسافر يدرس بمصر
أم محمد:ماشاءالله الله يوفقه يارب ويخليه لأهله،،يمه فاطمه اتصلي ع خالتج بحاجيها أبارك لها..
واتصلت فاطمه بخالتها ،،
فاطمه:قوة خالتي شلونج شخبارج ؟
أم خالد:هلاوغلا في حبيبتي فطوم انابخير الحمدلله أنتي شلونج؟
فاطمه:الحمدلله بخير،،مبروك خالتي ع بعثة خالد
أم خالد:الله يبارك فيج ياحياتي ويفرحني فيكم يارب
فاطمه:تسلمين خالتي..هاج أمي تبيج.
أم محمد:هلا بأختي الغالية شلونج؟
أم خالد:هلا بست الحبايب أنا بخير طمنيني عنج انتي شلونج وشلون الغسيل معاج؟
أم محمد:الحمدلله كل شي بخير وألف مبروك حبيبتي وعسا ربي يوفقه
أم خالد:الله يبارك بعمرج وماقصرتي والله.
الشخصيات:
فاطمه: بنت طيبه وحبوبه الكل يمدح فيها ويحبها جمالها عادي،عمرها عشرين سنة ماكملت دراستها الثانوية بسبب مرض أمها ولكن قدرت تحصل على شهادة من معهد خاص ..تعذبت بحياتها وايد كل المسؤوليه عليها تشيل هم كل صغير وكبير بالبيت ومظلومة بكل شي..
أم محمد:ام حنونة وحبوبه وتحاول انها ترضي عيالها بكل شي،مريضة بفشل كلوي مزمن أيام بالاسبوع تغسل كلى وهي أخت لأم خالد وعندها بنتين وولدين.
في بيت أم خالد
خالد دخل على حنان أخته عمرها واحد وعشرين سنة متزوجه وعندها ولد وبنت.
خالد : قوة حنان شلونج؟ابشرج اقبلوني بالبعثه
حنان:أهلين بأخوي مبروك تستاهل والله موفق ان شاءالله
خالد:الله يبارك فيج..أقول ممكن طلب؟
حنان:امر يالغالي عيوني لك
خالد:تسلم عيونج..شرايج تتصلين ع فاطمه اعزميها اليوم عندنا نبي نسولف ونضحك مثل أول
حنان:ههههه خلودي شفيك انت..هذاك زمان أول يوم كنا صغار عادي وألحين كبرنا ع هالسوالف وعيب اصلن
خالد:اوك بس تكفين بشوفها ع الأقل صارلي زمان ماشفتها تكفين يالغالية
حنان :اوك خلاص مايصير خاطرك إلا طيب بتصل وأمري لله
خالد :فرحان ومستانس"الله يخليج لي ياأحلى حنون "ويطلع وهو يغني من الوناسه
اتصلت حنان بفاطمه تعزمها عالعشا عندهم..
فاطمه:ألو
حنان:قوة فطوم شلونج يالدبه؟
فاطمه:هلا بخير الله يسلمج..انتي شلونج؟
حنان:تمام والحمدلله ..أقول فطوم
فاطمه:هلا قولي ياحظي
حنان:شرايج تجيبين خالتي وتجون تتعشون عندنا الليله
فاطمه:على خير ان شاءالله بس بشوف أمي بسألها اذا اوكي بتصل عليج اقولج
حنان:اوك حبيبتي بنطرج باي
*ياترا أم محمد توافق ع الروحه لبيت أختها؟
*وخالد راح يشوف فاطمه من بعد سنوات طويله؟
راح نعرف هالشي في الجزء الثاني.
وبرب
إذا شفت فيه ردود كملت
