حبيبي لا توادعني ولا تطري لي الهجــران
مادامك ساكن روحي وطيفك صار وجداني
انا لك عاشق مخلص وانا لك عاشق ولهان
يبيع الناس لجل يشوف بسمـة ثغرك الحاني
طلبتك يا بعد روحي طلبتك يا اعـــز انسـان
دخيلك تلطف بحالــــي وترحمنـي وترعانـي
انا جيتك امل عاشق وانا كلي الم واحـزان
ابي ضمـــه على صــدرك تبدد كـل احزانـي
وابي بسمه من شفاتك تخالط بسمة الاعيان
واغني لك بلحن الشوق اعذب واخر الحاني
ولك عهدي وتوثيقه ما ابيــع الحب بالنكران
ولا فكـــرت في هجرك ولا فكـــرت فـي ثانـي
ولــو حتى تفارقـــنا ملكت الـروح والوجـدان
ومصير اللي موادعني يجــي له يوم ويلقاني
