كيكة طبقات الكرميل جديدة

كيكة طبقات الكرميل اللذييييييييذه

المقادير :

كيك شوكولا جاهز ( معمول سابقا )
علبة قشطه
20 حبة بسكويت شاي صغير الحجم
نصف ملعقه صغيره نسكافيه
4 كاسات حليب
4 باكيتات ونصف كرميل
ملعقة كاكاو
كريما للتزيين

الطريقه :

الطبقة الاولى

كيك شوكولا اي نوع انتوا بتحبوه بتعملوه بقالب يكون اكبر من قالب التشيز كيك وبعدين لما يبرد بتاخدو منو طبقة تكون رقيقة يعني بتقطعوا الكيكة بالنص عرضيا وبترصوها بقالب التشيز مع إزالة الزوائد منها وبتسؤوها بحوالي 5ملاعق حليب مذوب فيه شوية نسكافيه

الطبقة الثانية

بالخلاط بتحطي علبة قشطة مع حوالي 20 حبة بسكوت شاي حجم صغير ونص ملعقة صغيرة نسكافيه وعالنار بتحطي كاستين حليب مع ظرفين ونص كرمل وبس يغلي بتصبيهم عالخلطة بالخلاط وبتخلطي ليدوبوا تماما وبتصبيها عطبقة الكيك وبتحطيها بالبراد شي نص ساعة لتجمد شوي

الطبقة التالتة

كاستين حليب مع ظرفين كرمل وملعقة اكل كاكاو وعالنار ليغلوا وبتصبيها عالطبقة التانية وعالبراد شي 3ساعات لتتماسك منيح وتزين بالكريما وتقدم

وبالصحة والعافية