كيف تتصرف عند الغضب ارجو الدخول للرجل

اذا توك قاعد الصبح و قاعد بالصاله تتصفح الجريده ، ياتلك الشغاله قالت لك ان حرقت بنطرونك اللي توك شاريه أو صبت عليه كلوريكس بالغلط :
1- تسامحها
2- تعلم امك
3- تاخذ منها قيمة البنطرون
4- تطقها
5- (تصرف آخر (يرجى ذكره

: اذا رديت من الدوام و طاقك اليوع ، و أم فلان الله يخليها أو الأهل في البيت مو مسوين غدا
1- تقعد تسب و تلعن
2- ترفع التلفون و تطلب من أقرب مطعم
3- تمشي حالك خبز و جبن
4- تنام على يوعك
5- (تصرف آخر (يرجى ذكره

: اذا خليت الكمبيوتر شوي سواء بالبيت و لا بالدوام ، و رديت عليه و لا واحد مبسط و قاعد يستخدمه
1- تطلب منه بأدب ان يقوم
2- تفصل الكهربا عن الكمبيوتر
3- تروح تقعد على جهازه
4- تزفه و تصرخ عليه على هالتصرف أو تطقه بأقرب ملاس أو مقله
5- (تصرف آخر (يرجى ذكره

: اذا دخلت غرفتك و لقيت مغيرين أماكن الأغراض أو مغيرين ترتيب الغرفه
1- تعيد ترتيب الغرفه بكيفك و بكل هدوء
2- تروح تسئل منو مغير غرفتك
3- تروح تعفس الصاله
4- تصير طرزان في البيت و تصرخ
5- (تصرف آخر (يرجى ذكره

: اذا في دكتور أو استاذ حاط عليك و سقطك بماده
1- تسوي حملة تواقيع ضده و تشتكي عند الاداره
2- تروح تتهاوش وياه
3- تسكت و تبلع العافيه
4- تخرب سيارته
5- (تصرف آخر (يرجى ذكره

: اذا واحد حط تعليق ما عجبك على موضوعك
1- تمسح التعليق
2- ترد عليه
3- تغير التعليق لأي كلام في بالك
4- تمسح الموضوع
5- (تصرف آخر (يرجى ذكره

كافي هالجم سؤال لو نبي نتكلم ما راح نخلص هي هي
و ناطرين اجوبتكم و آرائكم
و هدوا اعصابكم ترى الدنيا بخير