تبطي على اللي داخل القلب مغليـك
واليوم جـاك وطالبـك ويترجـاك
يقول لك تكفـى عسـا الله يخليـك
ماباقـي الا ايـام واروح ماالقـاك
ماتدري اني ياالغلا مولـع(ن) فيـك
لو غبت عني حالف العمر ماانساك
والله ماادخل غير من شان الاقيـك
وانته تصد بناظرك ليه وش جـاك؟
كانه تغلـي فـوق راسـي تغليـك
وكانه صـدود الله يفكـك ويحمـاك
كنك تقول ابعـد وفـارق ومابيـك
عز الله اني مااحتمل منـك جفـواك
ماتدري ان العين من عـام تبكيـك
ماودها بلحظـة وداعـك وفرقـاك
لكن معك عذرك ومانـي مخطيـك
تبقى بوسط القلب والـروح تفـداك
هذي مشاعر خاطري جت تحاكيـك
سطرتها باسلوب ماهـوب يخفـاك
من قلب صافي اطلب الرب يحميك
ياللي بطيبك مالك(ن) قلب(ن) اغلاك
