ياوجودي كل ماهب ذعذاع الهبوب
وجد من يبغا المراجل وفقره ضدها
من وليف كل ماقلت عن حبه بتوب
قامت عيوني تخيل ملامح خدها
صار طيفه قدم عيني على كل
الدروب
الدروب
والمحبه يلعن الله صلايب جدها
اتذكر يوم اجيه الشروق مع
الغروب
الغروب
ويتخالط مزحها يالربع مع جدها
بالمساكن عند مطعم اميه من جنوب
بيحت سدي عسى الله يبيح سدها
كاني الي شارب عندها عشرين كوب
وعندها نفسي ضحية غرام أعدها
والله اني عندها احس نفسي تبي تذوب
خاصه لامديت يدي ولامست يدها
وليت طاريها عن حضورها عندي ينوب
كان ماوالله ماتفارق عيوني ودها
مير شفني بصوب وصويحبي عني بصوب
واكتم الونه بصدري خفا واهدها
بيني بينها دوله ودوله ووديان وشعوب
والرجل حسب النظام الحدود تحدها
لو تجي في دارنا كان ماجانا لهوب
الله اعلم اللواهيب عنا تردها
والغلا بالذات مكروه لاصاب القلوب
عن لذيذ الزاد نفسك يسدها
والصحيح ان الحلا ياحلا شي محبوب
والحلا بسمك حلا والملاحه قدها
وبعدها مانام باليل لين اكل حبوب
وكل حبة نوم تأثيره لابدها
والصراحه كل شاعر لابد انه كذوب
لو صدق في جزرها ماصدق في مدها
الشاعر …. تدابير دنيآآآ
