كتبتك بيت فـ ابياتي تركتك رمز للشعار
قصيدة عشق تفخر بك لأنك اغلى ابياتي
رسمتك نجمة زرقا بعيده بالسما تذكار
تنور لي دروب الحب.. وتذكر كل معاناتي
سحابه رزقها فيها على الوادي تهل امطار
وتسقي من سكن ديره قريبه من قناعاتي
ترى عذوق النخل خير يذوقه من عرف وشصار
نهاية عشق عاش سنين حطم كل طموحاتي
انا المجني على حالي حدث بالسبق والاصرار
ودمعٍ حادرٍ يجــرح نزولــه عــز عبــراتي
حبيبي راح يم ناسٍ يحبون الحسد والثار
طلبتك يـا زمن حافظ عليه وــلب رغبـاتي
ابي عينه تنام ولا تحاتي حلمه الغدار
ابي رزقه يجيله يا زماني حسب دعواتي
حفظته يوم كنت صغير وذلحينه غدينا كبار
وضاعت يوم احسب لك مع الماضي حساباتي
نسى كل الوعود اللي تودي لاخر المشوار
نسى حلم الصغير اللي هقى واقفى بهقواتي
ظميتك يا بحر وشلون ابروي ريقي المنهار؟؟
معاد ابغى اعيش بنار.. ابرجع يم جناتي
رساله نصها واضح نخى بد البشر شعار
عساي ألقى مع الشعار حل يا مـعاناتي
مماراق لي ..نبي من الشعار كتابة ردهم فبيت شعر وشكرا جزيلا
التصنيفات
