السلام عليكم ورحمه الله وبركاته
دورتك البارح كثير
فضحك الصغار/ ألعابهم
فحزن الكبار/ أتعابهم
فالمراجيح / التحف / فالأغلفه
فيني !في كل مكان
ومالقيتك ! وين كنت ؟
انت راجع ..!
شاللي جابك ..؟
روح ، ورجع لي غيابك
إجمع بيدك حضورك
وارحل بحضرة جنابك ..!!
ماخذيت من الطعون الماضيه أيه عظا
نفسه اسكوتي
لنفس الطعنه
بـ نفس الظهر ..!!
يحسبون الصمت مثل أول علامه للرضا
يعلم الله ماسكت لهالزمان إلا قهر
ماهي كل الناس خانت ، يعني بتوقف عليك !
ماهي كل الناس عانت ، يعني بتوقف علي !
والله عادي
آنا واحد كنت أخونك
كنت أشم الصبح هذا
كنت أضم الحزن هذا
كنت أبوس جروح كفك لا تبادا خنجرك ..!!
لا تنكسر
محد مثل قلبي خسر ..
لا ينثوي ..صبرك و حيل الله قوي
قادر يفرجها بعد ضيق و عسر..!!
رجع بعد الندم يسأل ويستفسر عن جروحي
ضحكت وقلت له: طابت / أغيظ بضحكتي روحه
أرد بكبريا : طابت ، وتفضح كذبتي روحي
أنا أضحك له، وهي تحلف:
{قسم
بالله
مجروحه}
حزني أنا
.. دايم كذا ..
لو جيت أسولف ردني ..
لو جيت أبفرح هدني ..
و ان قلت له بسك أذى ؟؟
عصب علي .. و صدني
ودي واحترامي لكم 
