تعب قلبي تعب فكري تعب كلي من اللي صار
تعبت وتعبْ من حولي من اوضاعي ولاموني
حرام اللي وصل منّك رماني في لهيب النـار
ذبحني من وتيني للوتيـن وعمّـق طعونـي
الا يامهجتي ماتدري ان الحـب لـك مابـار
عزيزٍ وشامخٍ في كون من هو فيك مجنونـي
ولو حتى لقى منّك جفـا وصـدود مايختـار
سوى قربك على شانه بحبك عاش مرهونـي
تعال نداوي لبعـض تعـال نجـدد المنهـار
تعال الجرح بي غمقٍ ومن غيـرك يداوينـي
محال ارضى هوى غيرك ولا غيرك بكوني دار
تراك النجم الاوحد في سمايا ساحر عيونـي
انا مدخلـك بالله لاتكـوّب حـروة المحتـار
تجمل به ولا تحرمـه دامـه فيـك مفتونـي
فداك اللي لبرزان الشموخ اسمه هوى واختار
طلبك انصاف لاتقتل طموح وتهـدم ركونـي
التصنيفات
