حيرتني بالصمت اكبر جريمه… ومركبي تاه في بحر الاحلام …قبل امس لك في الصدر قدر وقيمه… يوم انا وياك بالحب هيام… واليوم مالك في ضميري حشيمه… مات الغلا ياصحبي تحت الاقدام… كنت الغرام وكنت نو يديمه …وكنت الهوى والطب مع عزف الانغام… كانت لك بقلبي مشاعر حميمه وافي بعهدي وانت خاين من العام… وفيت لك واخلصت نيه سليمه… وقابلتني بالصد عقب الاكرام… راح الامل راح الغرام ونعيمه …راحت ليال الشوق تضليل واوهام… النور غطيته بليله عتيمه… والعين تسهر واكثر الخلق نيام… لامااهتنيت بفرحتي اليتيمه… تبدلت الافراح بجروح وآلام ياشينهم اهل القلوب الظليمه… ماهمهم جروح الضماير والآثام… ليت الجروح اللي بقلبي مقيمه تزول من قلب العنا عبر الايام… عفت الهوى لهوى لطيف نسيمه… نفسي ذبحها حب ترفات الاقدام… تعبت باسباب الجروح السقيمه… ولاطاب لي جرح ولاخاطري رام… انا خذتني عنك عزه وشيمه عزيت نفسي لا يهينك وينضام… باسباب صدك عشت قصه آليمه… وفي آخر القصه نفذ حكم الاعدام
التصنيفات
