قصتي مع التقويم الشامل مضحكو جدا

بسم الله الرحمن الرحيم
السلام عليكم ورحمة الله وبركاته <<ردوا السلام (إلقاء السلام سنة ورده واااااجب فااااااااهميييين)

>>>>لا تلوموني متأثره بأبلة الدين كل ما دخلت علينا حصة ألقت نفس الخطاب الموجه نحو شلتنا الكريمة<<احلفي انتي ووجهك وش رايك تحكين لنا قصة حياتك

ادخل في الموضوع دوووووووووووووووووووغغغغغغغغغغغررررررررييييييييي <<شسوي الكيبورد يعلق على الحروف

المهم

عزيزاتي العضنات وأعزائي الأعضان << نيو لك للجملة

أما بعد:-

اوصيكم ببر والديكم وبطاعة الله <<<<اخلصي دوبك توقولي بادخل دغري <<اوك باخلي المقدمة للموضوع الجاي بإذن الله تعالى رب العرش العظيم سوف اتمم المقدمة في 6 صفحات الموضوع الجاي طبعاً لو كنت مستعجلة هع هع

بما اني طالبة سعوديه ولله الحمد فحياتي مليئة بالمغامرات هع هع

واليوم باقلكم كم سالفة من سوالفي والعاقبة لدينا بالسماجات أي لنا موضوع عن الذكريات بس ما يمدي اكتبها كلها هون وبانزل مواضيع عنها <<<اكلناها

المهم احنا بالابتدائي كانت شلتنا تتكون من 7 بنات فلاويات دوافير دلوعات نعومات ملسنات<<البتاع كله
ولله الحمد شلتنا لحد ذحين نفسها من اول ابتدائي بالاسبوع التمهيدي الى الان نفس الخشش

وبالابتدائي كانوا ابلاتنا من سنه 4 ما لهم غنا عننا لاننا المسؤلات عن الجو في الفصل والمشاركة والنشاط والاذاعة واذا زعلنا من وحده فيهم نتفق ونقلب عليه الاذاعات والحفل وما نشارك فيخافون مننا<<يا مرعبهم

وكانت شلتنا دايم بنفس الفصل واذكر مره فرقونا جننا المدرسة 5 فصول متوزعين فيها وبعض الفصول ما فيها الا وحده مننا وفوق هذي مجننه الفصل داجتهم معاها واي فصل احنا فيه كان يجي فصل متكاتف

كانوا الابلات يحبونا ودايم يهربونا من الحصص<<للمصلحة وليس حبا في خششنا

وكانت ابله النشاط تكككرهني لاني دايم الراس المدبر وتسوي كانها تحبني بس مو عشاني عشان ماما لانها مديره مركز الاشراف وهذي الابله كانت مصلحجيه درجه اولى وشلتنا كلهم بنات موجهات

اما الوكيلة والمرشده كانوا يوما لك ويوما عليك

ابدأ ببعض من الحكايات

1-سالفة نمبر وون <<اخس تعرفين انجليزي

يوم من الايام كنا بالصف 5 وكان ام الدجه كنا بفصل واحد بالدور الثالث ومجننين المدرسه المهم كانت في سوالف كثيره وتريقة بالابلات بس انا حاقلكم دحين سالفه لطالبة بس

كان في بنت في 6 واحنا 5 يعني هي اكبر مني بسنه كانت معجبه فيني ومدرستنا كانت ابتدائي يعني الاعجاب نسمع فيه بس عمرنا ما شفناه والبنت كانت جديده وشيييفه وانا عاد ما اتنازل لذي الاشكال كنت كل يوم ارجع للبيت الاقي رساله وفي اخرها مكتوب الله يخليك لا توريها صديقاتك وباليوم الثاني نوقف انا وشلتي قدامها ونقرا الرسايل ونتريق عليها بعدين في نهايه السنه هي حقدت علي وحاولت كذا مره تسوي مع فصلي مشاكل ويوم من الايام كانت البنت مبسوطه وناويه تتفلسف وهي بسادس يعني تدرس انجلش جات على فصلنا وقالت لنا يا شوز<<شوز = جزمة وانتو بكرامه احنا عصبنا وقلنا هذي المره راح نسوي مشكله ووقفنا لها بالساحة كل الفصل وتجينا ابلة الاقتصاد تقول ايش تبغون قلنا نستنى اخواتنا قالت نصكم ما عندهم اخوات هنا احنا طنشناها ويوم تنزل البنت وينطون البنات صياااااح وضرب فيها عاد الابله تبي تفزع بس كان في بنت سميره جايه من جده ومسترجله في وقتها لطشت الابله تلطيش

وباليوم الثاني جاتنا الوكيله تهزييييئ والابله زي البزر تقول شوفي هذي ضربتني كذا واحنا طاسين ضحك بس شلتنا بفضل الله ثم بفضل الواسطة طلعت من المشكل زي الشعره من العجينة واساسا احنا مالنا ذنب احنا سبينا وبس ما ضربنا احد وانا ما شفت كل المشكلة لان السواق جا بدري بس سمعت من البنات رؤوس اقلام للسالفة

2- مره كنا في 6 وكنا حاقدين على الوكيلة لانها كل يوم تقلنا سوو الحفل الفلاني واسوي لكم حفل تخرج في قاعه وبعدين سوته لنا في استراحه النذله كن الفلوس من جيبها والمشكله اننا احنا الي بندفع للحفل يعني شلتنا هي وش دخلها بس بعدها سوينا حفل ثاني بقاعة وعزمنا البنات والابلات وعزمناها زي الي يقول نقدر نسوي حفل بدون مساعدتك بس رد اعتبار المهم بيوم من الايام جو التقويم الشامل يعني مجموعه من الموجهات يسألون الطالبات وياخذون آرائهم حول المدرسة وكان معاهم زي الي بالافلام حق ..مكالمات حول .. يعني ولا مباحث وكانوا منتشرات في المدرسه بشكل فظيع المهم يوم من الايام رحنا عندهم وحشينا في المدرسات حش وطلعنا الا المدرسات قدامنا قالو ايش فيه البنات ارتبكو وبغينا ننفظح بس لحقت عليهم وقلت لا هما بس نادونا يبغون يسحبون مننا كلام بس احنا سترنا وكشمناهم حسبي الله عليهم يبغوننا نسبكم اساسا كيف نسب مدرساتنا اعوذ بالله عاد هم صدقو وفرحو واحنا انسحبنا من المشكله ونرجع للفصل الا عندنا وحده تاخذ آراء البنات رحنا وسبينا وغيرنا اسامينا عشان ما يقولون بس هذولا البنات الي يسبو لا عشان تنكتب كلام كل وحده فينا 3 مرات ب3 اسماء مختلفه وبالفسحه هزأتنا المرشده عشان ضربنا سنه 4 خرجنا واحنا مقهورين قلتلهم بنات عندي فكره انتقام قالو ايش وشوشوشوشوشوشوش <<<يعني سر بصوت منخفض

المهم راحت وحده من البنات ورى الحوش وورى الحوش ممنوع احد يدخل الا بنات النظام وهما يدخلونا لان لو ما دخلونا بندخلهم قبورهم راحت صديقتي عند شله دببه واخذتهم وقال لهم اوقفو واذا شفتو موجهه صيحو وقولو بس بس بس بصوووت عاااالي بعدين اجلسوا وطالعو فيها برعب يعننكم خايفين منها قالو حازر<<حضر بس بنوتات … جات عندي البنت وقالت خلاص قلتلهم وقتها كانت المرشدة واقفه عند البوابه الي ورى الحوش عشان محد يدخل ورى انا قلت للبنات ثنتين منكم يروحون جنب الموجهه يوققون وانا باجيكم جري قالو تيب انا دخلت ورى الحوش طبعا المرشده ما تقول لنا شي لاننا ذوق بس اذا زعلنا زعلنا المهم وجيتهم جري اصيح بنااااااااااااااااات احقووووووووو قالت وحده ايش فيه والموجهه تطالع متحمسه تبي تعرف قلت في مضاربة ورى الحوش بالجزم وتقطيع شعر لا يفوووتكم قالو واااااو جو جري دخلنا قامت الموجهه لحقتنا عشان تشوف لما جات تدخل منعتها المرشده قالت لا ما في احد جوه الا بنات النظام رجعت الموجهه وفي بنات يراقبونها من بعيد راحت هي عند صاحباتها وقالت لهم القصه قامت نطت موجهه ثانيه وقالت احنا موجهات محد يمنعنا ندخل ودخلت ورى اول ما شافوها البنات صاحو بس بس بس وجلسوا جا ببالها انها كانو يتضاربو وكلمت بالجهاز الي بيدها وحده قالت حول في بنات يتضاربون ومنعونا من الدخول ولما دخلنا وقفوا مضاربه وجلسوا والابلات كانو بعيدين محد فرع بينهم المدرسات مهملات جدا وذيك مدري عنها اظنها كتبت المخالفة واحنا طسينا ضحك عليهم

وبالحصة السادسه رحنا لابله الدين قلنا بنطلع نصلي قالت تيب ترى ما في حصه روحو اتمشو هذي الابله كانت فله بمعنى الكلمه احنا رحنا ولعبنا ولما جينا لقينا عندنا موجهه قامت الابلة دخلتنا بسرعة شافتنا الموجهه قال واو 7 بنات هاربين الرقم القياسي ما شا الله ليه ما في حصص حبيباتي قلت انا لا مو كذا قالت ايه ايش عندك قلت كنا نصلي شوفي العبايات معانا بس كنا ورى وطولنا بالصلاة وما شافتنا ابلة المصلى وقفلت علينا الباب وقعدنا ندق لو ما شافتنا بنت سنه اولى كان انصرفو البنات واحنا لسا قالت وي ما شافتكم لي هيه ما بتتأكد كل يوم في بنات جوه ولا لا قلت انا لئه هيه دايم كذا يا ابلة اهم شي تخلص وتدخل مكتبها قالت اوووه خلاص حبيباتي اجلسو وصديقاتي مبسوطات فيني جبت السالفة الي خرجتنا من المشكلة يوم جلسنا قالت وحده من بنات الفصل ليش ما اشتكيتو عند المرشده قالت وحده من صديقاتي حاولنا بس طردتنا من مكتبها وهزأتنا وقالت انتو ما تستحو تشتكو على ابلتكو اكيد صاحبتها بتوقف معاها ساعتها الموجهه حزنت علينا قامت كتبت في الدفتر وانا جنبها قاعده اقرا 7 طالبات قفل عليهم في المصلى بسبب اهمال من ابلة المصلى والمرشده لا تستجيب لهم بحجه انهم قليلو احترام لانهم اشتكو على معلتهم وهذا بسبب الصحبه الشديده بين ابلة المصلى والمرشده

وراحو وهذي السوالف الي قدرت اكتبها لكم اليوم والله تعبت وجاني النوم ورايه بكره اختبار ادعو لي لانها كشفت شلتنا اننا سرقنا ورقة اختبار من درجها وبتغير اساله فصلنا غير اساله الفصول الثانية

ولا اوصيكم بالردود والتصويت عشان تشجعوني لان هذا اول موضوع ليه

تحياتي

حــــــــــيـــــــــ{مجنونة}ـــاتــــــــي