قالت من انت

قالت من انت ؟ وقلت ضيف(ن) على الباب=جن الظلام ولا لقى له معازيب
انا ان طلبته حبة(ن) قال ما اناب=وإن قلت حبيني تعذر ب ما انيب
ونجل(ن) إليا لجلج بها عذب الانياب=اغدي كما الجني تواجه مع الذيب
حط الحلى له ثوب ردنن وجلباب=دقيق عودن عذب القلب تعذيب
توحي لقلبي خلف الاضلاع قرطاب=ويقول صر شايب من الحب وآشيب
غديت حرفن له ومسجون بكتاب=حرفن يجي له بعض الاحيان تشطيب
حبه يخج القلب يسري وينساب=ولا لقيت لحب مثله تطابيب
لو هو يحاكي صالد الحيد قد ذاب=تذوب من صوته صمود الغرابيب
دقيق رمشن واصبعه مثل لولاب=واليا تنفس تنفح انفاسه الطيب
عجيب يا حبن تولع به اغراب=حبن عجيبن بس بعده عذاريب
يطير له في القلب من طيره اسراب=طيورن لها في دم جوفي مشاريب
له خيمة بالجوف تسطي بمنساب=خيمه لها بالقلب ساطي المناسيب
واطنابها حبلن تمسّه بمكراب=وطقطق ضلوعي من شديد المكاريب
غدى لها مصلى بقلبي ومحراب=ليتك تقول اش كثر عندك محاريب
عينن تسل السيف واجفانها اجراب=يا كم حصل للعين في الناس تجريب