سرّها من عهد عدوان التتار
قلت هولاكو معا زمرة عبيده
حاربوا الأسلام واللي صار صار
والنهايه ما قرأناها سعيده
الحصار المرّ مازال الحصار
قالت أكتبني إذا فكره جديده
قلت وشلون المدرّج والمطار
قالت أقصد فالقريبه والبعيده
واجتهد والشعر شبّه شبّ نار
قلت والبيت السمين أعتدت صيده
ياعسى وكن المطر يحيي القفار
كل مسلم .. لو رفع لله .. بيده
كان سجّلنا على الظلم أنتصار
ولو تعاهدنا على المجد وتليده
عاد مجد العرب وبكلّ أفتخار
مشكلتنا .. فالعقيد .. وفالعقيده
والشعوب المستكينه بإنتظار
والحساسيه وعدواها الأكيده
المصادر تختفي خلف الشعار
ووحدة الأمه والأفكار العنيده
صعب تتوافق على نفس المسار
البليده ما تصير ألاّ بليده
دامها ما تعرف أسرار النهار
والجسد منهك وسمّه في وريده
والشفا ما قد وجدنا له عقار
كل تاجر حيلته يرفع رصيده
بعدنا ما ندري إش معنى المدار
أيه يالفكره ويا صوت النشيده
لأجل الأقصى حقّنا ثوره وثار
ثأر فاعل للشهيد وللشهيده
ثأر بإسم الدين هيبه مع وقار
