السلام عليكم ورحمة الله وبركاته
صباح / مساء العيد وافراحه
كل عام وانتم أحبتي بكل خير وفرحة وسرور
خربشات متواضعة اضعها بين ايديكم
اتمنى ان تنال على اعجابكم
(( فــــرحـــــة العيــــــــــد ))
باقي على عيد العرب بس يومين
وانا انتظر طول العمر فرحة العيد
يالله ياللي من طلب عونك تعيـــن
تجعل وليف القلب في عيده سعيد
ويعيش بالفرحة على طول السنين
وتبقى الهموم وسكة احزانه بعيــــــد
دامه سكن في داخل القلب والعين
ولامنه اوعد ماخلف بالمواعيــــــد
سيد جمال الكون واحلى المزايين
حتى الحلى يفخر ليا عانق الجيد
كله مزايا مابه عيوب وتشيـــــن
وكل ماطريت اسمه تزيد التناهيد
اللي بحبه ماوضع لي قوانيــــــــن
وكل مانطقت اهواك انا قاللي زيد
ياللي خلقت ادم وحوا من الطين
اجعل حياته بالفرح دايم تشيد
والعيد قرب مابقى كود يومين
بلغه يارب البشر فرحة العيــــد
لكم تحيات
عــشـــق بـــــدوي
