عهــدي بــهــا قبل تلبس عبــــاية
وأنا بعد قبل لا ألبس شماغ وعقال
طــفلين نتهــجى حروف الهــجاية
الله ياماأجمل سواليف الأطـــــفال
كانت لنا في كل شارع حكايــــــــة
وكــنا نقول علوم ماهيب تنقـــــــال
وكنت أتقاسم معاها ما معايــــــــــة
من(عسكريم)التوت وعلك ابو ريال
وكانت بعكسي شاطرة بالقرايــــــة
تقراء جزء عم وطه والأنفــــــــال
وأنا لكـ الله من مواري غبــــايــة
مدري أبو نقطه هو الذال أو الدال
وكانت لأبوية تشتكي من شقايــــــة
وتعلمة كيف أربط البــــاب بحـبال
ياما على ظهري كسر من عصايــة
يقولي : خلك وأنا أبوك رجـــال
وأمي تقول :أدع لــولدك بالهدايــة
خوفي تصيبة من كثر الضرب بهبال
وأنا لا شفتها من أول الدرب جـاية
مدري انا الي ملت او الـدرب مال؟
أحس قلبي يرتجف في حشايــــة
ماكنة إلى ضيف لا هــز فنجـــال
ياما من ( السعلو )تخبت ورايــة
لا خو فوها فية ثم شافت ضــــلال
تقول: خلك حبيبي معــــايـــــة
وأستانس ألعب عندهـا دور الأبطال
وأغار حتــى من عيون أصدقايــة
لا طالعوها قلت :تكفوووون يعيال
:pangel4::f55:
