(عاشق دينه )فيـ باكستان…..!!
هاو ار يو
والله العظيم المقدمه قلق الواحد مايدري وش يقول
اخاف اقول سيداتي سادتي يقولون هذا علماني يطالب بحقوق المرأه
انا بطب با الموضوع دغري
هزا في مرتن من المراير وانا ادور
قلت بيني وبين نفسي انا وش لي بالدراسه ووجع الراس
حياتي كله صارت
قال الدكتووور وفعل الدكتووووور
قلت ليش ما ادور لي وظيفه ابرك لي
وانا اضبط شنطتي وا اطير للدمام بجنحاني السحريه
يقولون هناك فيه نفط والدول الكبيره طمعانين فيه
عشان كذا محتاجين حارس امن يعني سكرتيين << يمديكم على السياسه
المهم رحت هناك وبعد مادورت وظايف الين داخ راسي
اكلت حبوب دوار البحر
وبعد ما يئست رحت للبحر يله اروح اوسع صدري واغسل ثوبي
كنت طفران من قلب ومامعي الا اللي يرجعن للديرة
<< << << وخروو ترا بدا يصيح
المهم ماعلينا مريت البقاله واخذت منه بريال تايد وكبيت على نفسي الصابون
وطبيت با البحر وقمت ادور واسوي خمسات << مسوي فيها غساله
ومن كثر ماقمت ادور دخت وحبوب دوار البحر شكلها ذابت بوسط الثوب
اغمى علي وصرت مدري وين انا رايح
فجأه صحيت وانا على اليابسه وفيه ثلاث باكستانيين واقفين فوق راسي
قلت صديق جابك الله قوم ودي انا اسعاف انا وازد مريز
قالي واحد منهم مازا تفعل هوونا ايها الغريب
قلت اخس يا الباكستاني تكلم عرووبي اقول يله روح جيب اسعاف ولا ترا ادق
جوال على جوازات < الجوازات ههههههههه
قال قم معي يبدو انك من بلاد الحرمين
مشيت معه وانا مدري وش القصه بعدين وداني لبيت كله باكستانيه يتكلمون لغه
عربيه فصحى
ياويلي انا وش جابني هنا ليكون دخلت بعالم سندباد وانا مدري
عاد لو اني داخل بعالم هايدي او عدنان ولينا كان وناسه
المهم قالولي انت مازا تفعل هونا قلت ادور وظيفه بس خلاص هونت مابي
اصلا انا مانيب متزوج وش ابي با الوظيفه اصلن اصلن ابكمل دراستي
با الله ودوني للبحر وعطوني تايد ابغسل ثوبي << ذكي عشان يتحول لعالم السعوديه هع
قالو هل تعلم اين انت الان قلت لا لا اعلم << اتكلم لغات
قالو انت في باكستان وبا التحديد في اسلام اباد قلت يا الله انتم اللي تطلعون با الجزيره
دايم خخخخخخخخخخخخ تصدق حسبتكم منتم صدقيين احسبكم زي افلام كرتون
قلت طيب وش تبون مني اسمع انت وياه تفجير بنفسي ماني مفجر اخاف اموت
قالو لا بل ستحارب معنا ضد الامريكان في افغانستان مارئيك
قلت بيني وبينك انا بوش ماهظمته ياخي احس انه خبل هو واذانه
قالو اذن اتفقنا
هيييييييييييييييييييه وش اتفقنا ما اعرف ارمي با المسدس
قالو سنعلمك الطريقتوو سهلتون جدآ جدآ
قلت لا والله يومنها سهلتن جدا جدا ورا ماتسويها انت وتفكني
الا وش رايك عندي فكرتون احسن من مسدساتكم هذي اللي ماتوكل عيش
<< طلع خطير الولد
قالو حسننا ماهو ..
قلت اول شي تكلمو زين ياخي احسكم بمصلصل الزير
ثاني شي شرايك اروح للسعوديه على طيارة وادخل ببرج الفيصليه
قاهريني مايدخلون العزاب
ثاني شي فيها امريكيين كثار انا شفتهم بعيني اللي يبي ياكلها الدود
قالو نعم نعم انها فكرتون جميلتوون بارك الله فيك
قلت قايلكم انا خطير بس عطو سداح فرصه
المهم حجزولي رحله من اسلام اباد الى نيودلهي على حسابهم هع هع
وعطوني اسم جديد خخخخخخخخخخخخ
صار اسمي اختر < فديتك يعرفه ههههههههه
المهم ركبت الطياره وانا معي سلاح هربوه لي با الشنطه
عشان اسرق الطياره
جلست بمقعدي بعد ما اقلعت الطياره
قمت كني بروح اسلم على الطيار
<< الخطه
جيت لغرفة الطيار لقيت مظيفه موووت قلت بليز
اي ونت سبيك ويذ كابتن
بزعمك بس انتي كل الحلا
تعرفين تطرنين عنقليزي
حتى انا
راحت تسأل الطيار تقوله فيه واحد
لابس فنيلة الاتحاد يبي يقابلك
دخلت عند الطيار وطلعت السكين وهددته
قلت قو تو سئودي اريبياا
المهم ودوني للسعوديه يوم جيت
فوق مطار الرياض قلت انزل داون داون يلعن يومك
عاد وقعت الطياره ونزلت الى بلادي العزيزه
والخبولالباكستانيين يحسبوني ابفجر بديرتي
وطني الحبيب وهل احبوو سواهووو
مايستفاد من هذه السولافه :
1 – حبوب دوار البحر ماتنفع لو تاكلها بوسط مسبح
2 – لازم يدخلون الشباب بسوق الفيصليه ولا ترا يجيهم واحد يفجر جد ماهوب مزح
3-اتسذب مــابـه بحــر بباكستان لا تصدقــون
وفي الختام تقبلوا تحيـــاتي
