[YOUTUBE]WPaqMj32WPE[/YOUTUBE]
عيدك مبارك حبيبي اللي من شوفه حرمنـي
كل عام وخاطرك مرتاح وبخيـر وسلامـه
انت ملهم للقصيد اللي من غيابـك زهمنـي
اكتبك واوصل احساسي واترجم لك كلامـه
ماحد ٍ في غيبتك لمواصلك ساعـه خدمنـي
يوم طيفك قوّم الهاجـس وعـز الله مقامـه
يالوجود اللي ملاني ليـن فغيابـه عدمنـي
يا سماي المظلمه .. يا نور بـراق الغمامـه
يا خفوق ٍ لو لزمته للمواصـل مـا لزمنـي
من غيابك ما جنيت من الهجر غير الملامـه
البنادم له ختـام ومسكـك الطيـب ختمنـي
كنت ابادله ابتسامه وكان يبادلنـي ابتسامـه
قلبك اللي من كلام اهل العذل راح وظلمني
ايه احبه واعشقه واعيش في نشوة غرامـه
طالبك لا مرّ طيفي في عيونـك تحترمنـي
مثل طيفك لا فرض فيني من الشوق احترامه
ولا انا قلبي ليا مني حكمتـه مـا حكمنـي
مايذوق ليا انكسر من صاحبه مـر الندامـه
استلم منه رسالـه ويمكـن انـك تستلمنـي
داخل حروف الرساله بس اوصل لك سلامه
عاد عيدك والغياب اللي حصل منك يهمنـي
لأني احبك وعشت الليل في وحشة ظلامـه
وعاد عيدي والزمان اللي من عيونك حرمني
اشهد انه ما يقصر شكراً لحسـن اهتمامـه
للشآعر / طلال العازمي
اداء الشيله/ يوسف الدواي
