ليلة البارح لا جيت ولاصلني منك التحيه
خليتني صوره بالحـزن فيهـا تشابـه
سال الدمـع ولا اكرمتـه فـي مجيـه
امسيت وجمر السهـر بالقلـب لهابـه
تآسـف وش يعنـي قـول الآسفـيـه
ليه تعشم القلـب باللقـا كـان مابـه
متمـردٍ عليـه لاوصفتـك بالثـريـه
انكشفـت اليـوم ماحولـك سحـابـه
تخفـي المكنـون والنـيـه مطـيـه
مـن شانـت نيتـه شـان ماجـابـه
اهتمامـي فيـك واهتمـامـك فـيـه
يقصـر عـن كـل يــوم بغـرابـه
كنـت اعـدد بـك الـورد يـا سميـه
كنت أًظلم بنـورك وظلامـك مااهابـه
كنت اغار من الهدب لعيونـك الزهيـه
كنت احس بالشفايف لادقت للحكي بابه
انتي التاليه واول مـن عـرف اوليـه
لقيتك من صمت احزاني للفـرح غابـه
للهوى لـو بودعـه بـك بوداعـيـه
ماردنا عنه الفراق لـو زدتـي عتابـه
لـو بتعـدا للسـمـا مـثـل جنـيـه
واقـرا للـقـدر ســؤالٍ وإجـابـه
وعـرفـت وش لــي وش علـيـه
وعرفت لقساك وصبري كيف انتهابـه
تركتيني وبالهجر تدميـن بـي الكيـه
يامن نشد عن عذابي وانت اكبر عذابـه
ادور بالامس العطـا لـو هـو شويـه
يزيد في عيوني لو مدك مـا انحكابـه
ادورك بحدود عشقـي لوديـاره خليـه
قلت ما امسي لين يجيني منك استجابه
صرت اسـج بـك ياكريمـه ياغنيـه
يامعطيه لقلبي عزٍ وانتي علـى بابـه
صدقيني مايجمـع خيالـي والواقعيـه
ان الحكايه معك تحتضر وقـت الكتابـه
صدقيني منتي مع باقي البنـات سويـه
من وصلك شوق شوفـه لـك غدابـه
دفعني الغـلا ولا لـي عليـه مقدريـه
عمري ينـادي لـك يازهـرة شبابـه
ياعذاب مـن حـب لـه بنـتٍ إبدويـه
يضما ويضمـا ولا ترويـه السحابـه
دخيل حبـك لاتشمتيـن العـذال فيـه
جودي بحبي لـك قبـل اعلـن غيابـه
ليلة البارح لاجيت ولا رديـت التحيـه
يامن نشد عن عذابي وانت اكبر عذابـه
التصنيفات
