خلاص روح

شوف شخص ثاني يشبهك في مباديك
دلـو الخيانـه وسـط قلبـك تــدلا

وإلا مثل شخصي خسـاره يحاكيـك
ياللـي فـؤادك باالخيـانـه مُـحـلا

أول حبيبي ياحبيبـي وأنـا أغليـك
واليوم مالـك فـي ضميـري محـلا

لاياخساره يوم مـن قلبـي أعطيـك
حب(ن) حقيقي وعيون تبكـي تهـلا

وياما سهرت الليل وحـدي أناجيـك
وطيفك يمـر القلـب ومنـه يتحـلا

ماكان أحد(ن) في حياتـي يجاريـك
وماغيرك أحـد(ن) للفـؤاد أستحـلا

واليوم بانـت لـي حقيقـة مواريـك
نجمك هـوا مـن بعـد ماهـو تعـلا

ماعـاد أحبـك أو أودك ولا أبغـيـك
وفـؤادي اللـي يعشقـك عنـك ولا

خلك مـع الهجـران والبعـد خليـك
بنـار هجـري ياحبيـبـي تـصـلا

ولاعـاد ترجعلـي ويكثـر ترجيـك
قلبي إذا أنـه عـاف عـاف وتخـلا

:
: