ســـــــــلام عليكـــم ..
انا صراحه ماقد كتبت شعر ولا شي لكن هاذي قصيده قريتها وعجبتني بقووووووه وتمنيت تسمعونها …..
خسيتي لعنبو جدك خسيتي والغلط ينعاب
خسيتي واقبلي وجهك ؛ ولا كلمه ؛ ولا اجابه
خسيتي والزمن جدك تراها ضاعت الاداب
انا لاطاشت جنوني يعرف الجاهل ادابه
وش المغزا من الكلمه بلا داعي بليا اسباب
وهرج الكذب والتجريح قوليلي وشهي اسبابه
انا الشرهه علي اني فتحت لخافقي كم باب
ولكن مثل ماجيتي ترى كبر الجمل بابه
خذي نفسك معك برى ثم انقلعي بدون اياب
فمان الله ولا اقول فمان ابليس واصحابه
تحسبني على فرقاك ابندم واغرق الاهداب
رشدان مبسوط يوم اني طردت الشوم وغرابه
انا مااعاشر الخاين ولا اسمع هرجة الكذاب
ومثلك قيمته عندي تحت الزير وحسابه
هذاك اللي يزفونه حقير وخكري ولعاب
عجبك ان قذلته شقراء باشعر كابه
صحيح انه حقير وزين شكله للنساء جذاب
تشبه باخته فلانه ومنها الدم متشابه
وانا منيب حرف الجر تجرينه على الاعراب
انا حرف(ن) جزم نفسه ومثلي صعب اعرابه
تشوم النفس عن زينك عقب ماطاح فيها ذباب
وانا حر(ن) ولد حر تركت الزين وذبابه
انا شيخ(ن) ولد شيخ بذكره تنعم الانساب
اليا قام العرب كل(ن) يراجع دفتر انسابه
ولد شيخ(ن) وسطه ربعه له بين الرجال حساب
اليا ضاقت به الارياء يهز الارض ومشعابه
محنكني على الطيبه من يومي صغير وشاب
اجل وش رايك بطفل(ن) دلال القهوه العابه
ترى بدري على مثلك تعب وساسها معياب
ياليت اللي يعيبني يحاول يستر ثيابه
انا لاجتني الزله من الجاهل وهو كذاب
تركت القافله تمشي وراها تنبح كلابه
وانا ليا من كشف ان الخوي اصبح لسانه داب
نزعت السم من عرقه وكسرت بمخلبي نابه
خلاص اليوم يافلانه؛كرهتك والقلوب اغراب
وترى كل طير(ن) بكبد السماء يشبع بمخلابه
خساره مثلك بقلبي تضمه غرفة الاحباب
زخساره غلطة العاشق؛يحطك اول احبابه
بعد هاذا تبين ارجع لاجل عينك نصير اصحاب
خسيتي واقلبي وجهك ؛ ولاكلمه ؛ ولا اجابه
