جيتك يابحر جده
جيتك يابحر جده مع همومي أعاني
جيتك بـ قلب يشتكي فرقا نجد
وجيتك بـروح تشتكي فرقا حبيبه
جيتك أبرمي بـ همومي في كل شط
وعلى كل المواني
وأسأل الفرح بداخلي إلى متى مطول الغيبه ؟؟
جيت أبحكيلك عن الي خذا قلبي ووجداني
أشوف طيفه بنجوم السماء
واللحظات ترفض تجيبه
أحس الكون في بعده عاف قلبي وسلاني
وأحس الدنيا بعيني ضاقت بعد ماهي رحيبه
أبحكيلك عن غرور في حضوره
إكتسا القلب وكساني
وبحكيلك
عن قلبي الي طيبته أكثر مايعيبه
يابحر
أبشعل مع أمواجك بداخلي
كل الأماني
وبفتخر بلحظات وصالة
لحظات صفاء وبــحتفيبه
أبحكيلك
وأبحكيـلك
وأبحكيــلك
حتى ينعقد من كثر الحكي لساني
وباقول الله أكبر يادنيانا … كيف منتي عجيبه ؟؟
وبحكيلك عن طفولتي … أخوي .. قلبي
وعمري الثاني
عشقت طيبه وحضن قلبه وصرت له أقرب قريبه
يسامرني
يحاكيني
ولامن شاف دمعة العين … واساني….. وكنه
حبيب يحتفي بقربه مع حبيبه
مابي الأقدار تاخذه لأنها بتاخذ معه كياني
ومالي مع القدر حجه غير قولة
االله حسيبه
وأبحكيلك
عن زمان يهز كل المعاني
ضاع فيه الوفاء والقلب تزايد لهيبه
وعن صديق خذته مني الدنيا وكن الله ماعطاني
أناديله
أناديله
وصوتي يسمعه
لكن ماقدر حتى يجيبه !!
الله كريم وأدري عمر كل البشر فاني
والدنيا لاخلت من أعز الناس ويش أبيبه !!؟
فجأة
هاج البحر والموج جاني
ضاق بي بحر جده وقال إرحلي وقلبك الله حسيبه
قلت طلبتك يابحر تاخذ من همي علشاني
قال أرحلي
كل البشر في الدنيا لابد تاخذ من همه نصيبه …
.
.
.
.
.
.
مما راق لي
