دقايقُ صمٌت إن أمكّن
أبـ أحكيلكّ عّن المنجنّ
عّن الغريدّ فيّ دوح الطّرب والفنّ
عنّ الإنسّان وّالاحّيانّ والممكٌنٍ
تقول إنساني يا سلطان ، وليت الحل فـ النسيان
خلاص أرجوك تنساني ، أنا لفلان مخطوبه
أنا أرجوك ياعمري ، أبي نبقى مثل إخوان
وطاري الحب وحياتك ، أبد لاتجيبني صوبه
أحبك موت صدّقني ، ويشهد ربي الرحمن
ولكن للأسف نفسي ، على هـ الحال مغصوبه
كلام(ن) يجرح الخافق وصدمه تدمي الوجدان
وحب(ن) صار في لحظه ، بقايا إحساس إكذوبه
محبه إنتهت فجأه ، وعمر(ن) ضاع ف الأحزان
وذكرى ماتجيني غير ، مع الأهات مصحوبه
تقول إنسى عسى تلقى بديلي والمفارق حان
وحق اللي جمعني بك ، تناسى إني محبوبه
مليت وانا انتظر ودي وماودي مليت من كثر ما آحدك على الجيه
يافاهي والهجر ماهوب من جدي تو الهجر تو مابانت مواريه
يوم امطر الحب قلبك واقف ضدي زعزع نفوذ الغلا واشعل محانيه
راح الغلا لعنبو جدك على جدي يالعنبو الحب واللي يجيب طاريه
حدن عليك الزمان وحدني حدي الين ضاقت وسيعات الخلا فيه
بتعود الايام كان الضيف ما شدي وبذكرك طال عمرك كان انا حيه
يوم اطلق الريح قلبي جيت متعدي تصدع بوجه الشمال وتدفن الميه
ارتد ذودك وذودي عتك ارتدي واقفت تدرهم مجاهيمك على الفيه
يامخبلك كيف عقب الصد متحدي خسارتك راجحه مليون بالميه
إربق جنون الكبر تمسي على ردي خل الليالي تغتي جنونها ليه
قد لي سنه والوجع ثوبه على قدي بشق جيب الوجع واصبر على الكيه
ياكود طفل الوفا يستر على سدي واقول ولي زمانك لعنبو بيه
قبل ترحل
وتنسى الدار والديرة
أبي نظره
تساعدني
على فرقاك
أبي قبل السفر يازين
تشيل القلب
ولا الحب منقلبي
وتعطيني مثل قلبك
بفرحة يوم
يبيع اللي مضى كله
وابترجاك وأتوسل
قبل ترحل وتنسى الدار
والديره أبي نظرة
تساعدني على فرقاك ..
تعبت أتقمص الضحكه .. أضحّي واعتذر (لاباس) تغادر كوكبي
واصبح كما (الأطرش وسط زفّه)
اتمنى تنال اعجابكم
ارق التحايا لسموكم الكريم..
دمتم بحفظ الرحمن..
مودتي
