اتمنا ما احد يزعل علينا
ودي أنا اسأل ليـه انتـي تقوليـن … ليه الرجـل يعـرس علـى الاوليـه
هل هو فسق واللا يدور عن الزيـن… مع اني أحلـى مـن وجـد بالبريـه
معقول أنا قصـرت بالحـق يازيـن …واللا معك صـارت حظوظـي رديـه
مدري لحاجه تجمـع اليـوم ثنتيـن …والـلا مراجلكـم عليـنـا قـويـه
ورايح تـدور ثالثـه بعـد يوميـن… والرابـعـه ياقربـهـا مستـويـه
وياليت أنا أعرف بس وش تستفيدين ..لا قلتـي شوفـوا راح ياخـذ عليـه
هذا ترى ماهو سؤالي ! أجل ميـن …؟هذا سـؤال اللـي طبوعـه شكيـه
اليـوم أنـا بابيـن الحـق تبييـن …واذكر كلام الصدق مع حسـن نيـه
لو لك رفيقن مـن أعـز العزيزيـن …تنكـر لعـرفـك تـراهـا قـويـه
وش موقفك ؟ حتى ولو راحت سنين …صعبه تبي تغفـر وتنسـى الخطيـه
وتلومهن وانت السبب هن مساكيـن … يوخذ عليهـن دون جـرم وخطيـه
واللا تقول انك تبـي تتبـع الديـن …هو ما باقـي بالديـن ياكـود ذيـه
الديـن وصـى خيركـم للنساويـن …الله ذاكـرهـا وسـنــة نـبـيـه
هو قال كونـو يالرجاجيـل قاسميـن …جـازوا عمايـل طيباتـن بسيـه ؟
تسكنك فـي داخـل القلـب والعيـن… تلقا الجـزاء منـك جحـود وأذيـه
لكـن لوهـي قصـرت بالمحاسيـن …حـاول تعدلهـا ولـو هـي عصيـه
هـن طيبـات وعاقـلات ومزاييـن …يبغـن حيـاة الـزوج دايـم هنيـه
مير البـلا فـي تابعـات الشياطيـن …تفرح ليـا صـارت حياتـك شقيـه
ذولي يبـن الطـاق مدبـول طاقيـن ..بـدال وحـده أربعـن لـك سويـه
أقصد أنا اللي تسعد الزوج ياحسيـن… اللي تكـد الـروح صبـح وعشيـه
ودي تفكـر فـي فعايلـك ذي زيـن… احـذر مـن الميـلات والعنجهـيـه
في يـوم تـازن مافعلتـه موازيـن …عنـد الإلـه اللـي يعـرف الخفيـه
وختامهـا صلـو عـداد المصليـن… على النبـي اللـي شفيـع البريـه
منقول
