رجعت لكم من جديد
امسس كنت طفشانه وفجاءه قررت ازين العشا
فدخلت المطبخ وجلست ازين بيتزا الجبن
يلا اخليكم مع
المقادير ونبدا بالعجينه
والعجينه اللي استخدمتها هي عجينه العشر دقائق
واتوقع الكل يعرفها
المقادير:
– المجموعة الأولى : فنجان قهوة سكر
1 ملعقة كبيرة خميره فوريه
1 كاس ماء دافي
ذرة ملح
1 كاس دقيق
– المجموعة الثانية :
نصف كاس زيت
كاس ونص دقيق
الطريقة:
– تخلط المقادير المجموعة الأولى مع بعض و تترك لمدة 10 دقائق .
– بعد العشر دقائق يضاف لها مقادير المجموعة الثانية و تعجن جيدا و تستخدم على طول .
– مثل ما شفنا العجينه تنقسم لقسمين و تتخمر عشر دقايق في القسم الاول و تضاف عليها باقي المكونات , يعني مجموع الطحين في العجينه هو كاستين ونص .
صوص البيتزا
المقادير:
5 حبات طماطم متوسطه الحجم
بصله كبيره
حبتين فلفل بارد
حبه فلفل حار
بهارات – فلفل اسود – كمون – ملح – حبه ماجي
الطريقه :
نقطع الطماطم والفلفل الحار مربعات ونخلطه بخلاط اليد
ونجيب البصل ونقطعه قطع صغيره ونقطع الفلفل بارد ايضا لقطع صغيره
نجيب قدر او تاوه ونحط البصل في شوي زيت ونحمسه لين يشقر لونه
وبعدين نحط الطماطم والفلفل بارد عليه ونقلبه شوي ونحط البهارات عليه والماجي ونقلبه شوي
وبعدين نغطي القدر لين يتسبك الطماطم ويطلع ثقيل شوي
ونطفي عليه النار
بعد مانخلص نجيب العجينه ونقطعها دائره كبيره ونحط صوص البيتزا عليه ونحط زيتون وممكن شرائح فلفل بارد وجبن مبشور
وندخله الفرن من تحت لمده 10 دقائق
وتطلع معنا هيك بعد التحمير
والف عافيه ع قلوبكم
همسه :
الصور هذي نزلتها بمدونة ثاني 
