.(( ظلم الأقارب )).
آآآآه شو بدي احكي لاحكي أنا بنوته – عمري 20 س قسم حاسب مستوى 5
ساكنه بالسعوديه بالتحديد بغرفتي بالدور الثاني اسمي (فاتن) وتوئمي شبيه أم المصايب (فتون)وهي قسم انجليزي مستوى5 – واسمي يدل ع شكلي هخهخهخ وحده مغروره بس والله العظيم مجروحه ومطعونه .
طبعا" يبدأ الظلم من البيت و أول ظلم ماتركوني أهلي أكمل دراستي يقولون محدش فاضي يذهب بي للجامعه وذلك بسبب تفاوت اوقات المحاضرات والجامعة تبعد عن المنزل بنص ساعه (شوف بالله نصب وكأن مشاويرهم مو بساعة أو بمنطقه ثانيه) أما فتون تكمل جامعه وحلال عليها تفاوت وقت المحاضرات والمشوار واللي تبيه مع أنها أم المصايب الله ياخذ عمرها ولايسامحها ولا يسامح أهلي (وترى هذي ولاشيء ) بعدين جلسو أهلي يدورون عذر جامد غير المواصلات قالو الجامعات فيها دشره وتصوير وطلعات وترقيم وشواذ……إلخ.(خافو عليه بس على فتون لا بصراحه كذا العدل والخوف ولا بلاش) المهم
فهذا سبب أقوى يخليهم أني ما أكمل جامعه طبعا" أنا حرقت الدنيا بكيت صيحت جيتهم بالطيب بالقوه رحت عند أمي و رحت عند أبوي ترجيت فتون تساعدني(الله لايوفقهم) وكلمت جدي واخوالي وأعمامي ماخليت أحد الا ودخلته بسالفه و ما زاد الطين بله صارو يقولون أكيد عندك مصيبه بالجامعه (اللي يصر على مستقبله صار عنده مصيبه هخهخهخ ترى ضحكت قهر ) سكت لأن يد وحده ماتصفق دام الكل ضدي بس تصدقون بالله اللي قاهرني وكاسر ظهري أن فتون توئمي كملت وأنا لا(طيب ليش أحنا توئم المفروض ما يكون فيه تفرقه بينا صح والا لا ؟؟) وازيدكم من الشعر بيت ابوي زوج2من خواني الكبار و زوجاتهم الحربوات جامعيات واخوي3خاطب وينتظر خطيبته تخلص جامعه شوف الظلم بعينه ابوي جلسني بالبيت وأنا ماعندي شىء اجلس عشانه وفتون تكايدني أنها كملت وأنا لا طيب لا دراسه ولا زواج مع أني انخطبت كثييير بس يرفضون ليش ما ادري رجعت سكت لأنه برضو يد وحده ماتصفق .
وتعالووووو شوفو جلست بالبيت وآآه من البيت وأهل البيت (أمي) تعطيني كف كل ماراحت وكل مارجعت قدام بنات الجيران وبنات الأقراب و زوجات خواني الحربوات وأم المصايب كفوف ظلم واقسم برب الكعبه وتنادين باسماء وسخه زي( يسايبه-يضايعه -يفاسده…..إلخ) وكلها من أم المصايب فتون ما ادري ايش تقول حق أمي وأنا من ياكل الكفوف فيه اسباب ادري بها واسباب اجهلها ليش ما ادري و برضو سكت لأن رسول صلى الله عليه وسلم قال أمك3مرات وفوق هذا ماتعدل ابدا".
أما(ابوي) لو اقولكم ممكن تبكون أو تسبون أو ما ادري شتقولون عنه عاد أنا بقولكم ونتم شوفو اوكيش ابوي يأشر بيده عليه بسخريه قدام فتون وخواني وأمي يقولي أنتي(نطفه قذره ماتسوي) اسألكم بالله يالي تقرؤن قصتي لو ابهاتكم قالو الجمله هذي لكم وش بيكون رد فعلكم ؟
أنا أقولكم وش ردت فعلي انصدمت كرهت ابوي وأمي لأنها ماحركت ساكن وصرت أبكي مثل المجنونه (((والله اللي يشوفني كأني طفله جوعانه وأمي جنبي ميته تسمع بكاي بس ماتقدر تسويلي شىء تدرون ليش لأنها ميته جسد بلا روح ))) هذي أمي عايشه بس بلا روح ناحيتي ولا فكرت تحظني وتسمي علي , لو فتون كانت أمي حرقت الدنيا (المهم) ومن الفاظ ابوي يقول (أنتي ذبحتك عندي مثل تفلتي هذي) وقام تفل على الأرض (الله يكرمكم) و كانت ردت فعلي مثل المره الأولى واخس وصرت اصارخ وقام وسحب سلك المكنسه الكهربائيه من يد الخدامه وضربني والله لوتشوفون جسمي صار كله خطوط بنيه من الضرب وصار يناديني بالفاظ اوسخ من الفاظ أمي يقول(سافله-منحطه-عاقه-عاهره-جزمه-سكرجيه-فاسده-أنتي متاكده انك بنتي……إلخ) بالله وش رايكم؟
برضو رجعت سكت لأن يد وحده ماتصفق وهذا مهما كان اب و يجب بره مهما سوا .
طبعا" صار حالي من حال الخدامه والله العظيم أن الخدامه تحن علي أكثر من أمي تصدقون أني انطق كلمه أمي بلسان بس ما أحس فيها وصرت أنادي الخدامه بأمي(مريم) لأنها عاشت 20س معانا يعني بعمرنا احنا أقولكم سبب كره أهلي لي عشان (أمي مريم) أول ماجت من اندونيسيا كانت والد ولها شهرين و رضعتني من صدرها وكشفتها أمي وبهذلتها وبهذلتني مع الخدامه و صرت مرميه عند الخدامه أكثر من عند أمي وإذا راحت أمي مشوار ماتاخذ الا فتون معاها لحد يومكم هذا وهذا سبب كرههم لي وصار يقولون لي يابنت الخدامه مريم حتى فتون زق ماتقلي الا هيه أنتي يابنت الخدامه قدام صحباتي والجيران والأقارب بعضهم يضحك ويعلق على كلامها والبعض يسخر على فتون على طريقه تعاملها واسلوبها معي رجعت سكت لأن ما باليد حيله ولأنها سفيهه والرد على السفيه .
يجي هالحين دور الحربيات حريم خواني.
زوجت الكبير قد ماقولكم كلبه بنت حرام ملعونه قليل فيها تخيلو تدعي الطواعه اوكي وتلبس عبايه فوق الراس وجونتيات بس متنقبه وإذا نزلت معاهم سوق والله الذي لا إله الاهو أنها تلبس بنطلون وترفع عبايتها لنص ركبتها وتمشي وتأشر بصابعها وتشبه فلان بعلان قدام زوجها وأخوي زي الخيخه وتتكلم مع اصحاب المحلات وتكاسرهم وأنا لو سويت ربع اللي سوته كان صرت بالقبر من زمان وصارت تزن على أخوي لدرجه أنه يروح عند أبوي ويقول بنتك تطالع بالشباب وبنتك ليش تلبس بنطلون وليش تلبس برمودا قدامنا بنتك ليش التيشيرت حقها خفيف وليش ماتلبسها عبايه على الراس بدل الكتف وليش جالسه على النت وليش ماتقوم تساعد أمي وفتون و زوجتي بالبيت وليش بس نايمه وليش وليش وليش مع أنها زوجته والله العظيم بس تسوي شيزكيك وتقعد اسبوع تعبانه ليش تعبانه عشان سوت شيزكيك أو أي صنف من الأكل تسويه عاد فتون لو تقطونها ماتسوي شىء وأنا من يغسل ويمسح ويكنس وأمي مريم تكون مسافره تأخذلها شهرين في اندونيسيا عند عيالها بعدين ترجع وفي غيابها أنا من يسوي هذا كله(وترى هذا ولا شىء) وإذا رحنا زواج لأقاربنا وفيه أغاني تقوم (خلود27س) المطوعه بالكيف زوجت (تركي31س) تحرق الدنيا ولا تقعد عشان طواعتها الكذابه وإذا كان لأحد من أقاربها و رب الكعبه تقعد و صوت الاغاني تسمعها من الشارع قبل ماتدخل القاعه ولبسها عريان والبرمودا هخهخهخ (هيك طواعه ولا بلاش) طبعا" ابوي ماكان يتحكم بلبسي هالحين صار يتحكم من بعد كلام تركي البسي كذا لا تلبسين هذا غطي عيونك عساه الفقع أما فتون دلوعة امها وابوها تلبس اللي تباه ومن بعدها صار جلوسي بالبيت أكثر من خرجاتي تدرون ليش لأن أمي تجي وتفتشني وتفتش غرفتي صارت تراقبني وترسل فتون ومحمد يتجسسون علي وسحبت مفتاح غرفتي و مفتاح الحمام(الله يكرمكم) حتى تركي ماكان يدخل غرفتي من بعد زوجته صار يدخل ويفتش و المصيبه ريتهم يحصلون شىء بس ليش حركات الدناسه هذي ما ادري. تدرون أن خلود و تركي ما عندهم عيال وهذا انا ادعي عليهم(((اسأل الله العظيم رب العرش العظيم بحق هاليوم وهالساعه أن يحرمهم من كلمة بابا وماما وتحرق قلوبهم مثل ماحرقو قلبي بظلمهم))) .
أما الحربه الثانيه زوجت أخوي اسمها(منال25س)وأخوي اسمه(عبدالله أبو تيم29س) عنده بنت ماتصدقون قد ايش حبيتها والله كانت تنام معي وكنت البسها وسبحها وأكلها وكنت اجمع من مصروفي عشان اجبلها هدية أو لبس أو حلاوه و ربي اهتميت فيها كأنها بنتي وأمها شافتني من كثر ما اهتم فيها اتكلت علي صارت تقضي مشاويرها بالساعات و لمار معايه تعلقت فيها لحد الجنون تدرون ليش لأن كان عندي فراغ كبير بحياتي وعبيت هالفراغ بداخلي ع فكره (لمار) عمرها 3سنوات طبعا" حملت امها وتعرفون وحام الحامل . منال من حملت كرهت كل شىء حتى بنتها فتحملت مسؤليتها أكثر من أول تحملتها طول 9شهور وبعد ولادة أمها منال جابت ولد اسمه(تيم) عمره هالحين 8شهور وشوف وش كان جزائي كان الجحود والنكران والله العظيم حتى كلمة (شكرا"-الله يعطيك العافيه -تسلمين) ماكنت اسمعها بس و ربي ماهمتني لأن كل انسان يعمل بأصله وأنا عملت بأصلي تصدقون بالله أنها تشوف اللي كنت اسويه لبنتها أنه واجب علي اسويه وصارت تزعل وتهاوش وتعصب وتتأمر علي كأني خدامه ابوها أنا من شفتها كذا انقلبت شلت يدي من بنتها تماما" مع أني أحبها بس أمها خربت الأول والتالي بتصرفاتها ويوم حست بمسؤلية عيالها وأنه مافيه أمل اساعدها بشىء بعد اللي سوته فيني صارت تزن ع عبدالله لين ماغيرته علي مع أنه كان اقرب واحد بس سبحان من يغير ولا يتغير هالحين يمر من جنبي ولا يقول سلام عليكم ولاكيفك ولاتبين شىء ولا محتاجه آآآه ياربي كيف كان وشلون صار أنا وش حظي بهدنيا.
والا تعالو شوفو أخوي3 الحقير(محمد24س) اللي وقفت معاه بكل كبيره وصغيره تخيلو يتهمني عند ابوي ويقول انه حصل تحت دريشتي دعست كفر ((أمانه شوفو أنا غرفتي بالدور الثاني وبعدين حوش البيت من الجنب جاي بالطول وبعيد عن دريشتي تقريبا" 3أمتار ونص شوفو بالله المسافه)) ولا وازيدكم من الشعر بيت أن دعسة السيارة كسرت الشجره اللي ع الرصيف وتجي أمي وفتون يأكدون ع كلامه ويقولون أنهم كانو يسمعون صوت درايش تتفتح بالليل والله ثم والله ثم والله 3أيام وأنا انضرب ضرب مب طبيعي لدرجة أنه صار ينزل نزيف من فمي وخشمي و جسمي وصرت في حالة أغماء وما أحس الا بأمي مريم تبكي فوقي وتشيلني وتهتم فيني وأمي الحقيقيه ولا حنت ولا فكرت يا نااااس شوف الفرق بين أمي الحقيقه وأمي اللي الاجنبيه اللي بس رضعتني وتفتكرون أن ابوي والا أحد من خواني حن وأخذني للمستشفي ولافكرو قالوا ايش خلوها تتربا تدرون ابوي وش يقول ((أنتي عار ياعار أنتي حرام تعيشين لازم تموتين فضحتينا يا العار)) فضحتهم بايش وأنا ماسويت شىء .
طبعا" ابوي بعد سالفه الظلم هذي حرمني من tvومن الثابت ومن المصروف الشهري وسحب مني موبايلي و اللابتوب وصار يقول حق اخواني وحق فتون وأمي وحريم اخواني إذا شفتوها تمسك الثابت أو تطالع ب tv عطوها بالجزمه عكس فتون أم المصايب تمااااااما" .
راح اعترفلكم وصحيح اللي أنا اسويه غلط وأكبر غلط بس والله العظيم من كثر ماجاني من أهلي من ظلم وشك ومشاكل بالدخله والخرجه وخصوصا" بعد سالفه محمد أنا تعرفت ع شباب كثييييييييير بسني وأكبر مني ومتزوجين ومطلقين بس كنت اكلم وافضفض وكان كل شىء مستعار باسمي ولقبي وسكني ما عاد مشاكلي كنت أقولها بالتفصيل وإذا سألوني عن أمي وأبوي دايم أقول أنهم ماتو وأنا كنت صادقه بقولي عايشين ولا فكرو فيني كان الموت انسب لهم . وكنت مطلعه موبايل بالدس بس تصدقون بالله أني ما ارتحت لأني سلكت طريق مو الطريق اللي أنا تربيت عليه وتعلمته وتدرون ليش تمسكت بالطريق هذا أكثر لأن حتى أقاربي طعنوني بشرفي و ربي أني استحي أقول اللي قالوه فيني الله لايسامحهم الله يخرص السنتهم ويحرمهم عافيتهم وفوق هذا ماسلمت من ضرب ابوي .
وبصراحه انا انسانه كرهت نفسي وكرهت أهلي وأقاربي وكل من حولي صرت عصبيه عنيده بكايه لدرجه اني افكر بالانتحار استغفر الله العظيم.
بس تدرون طول ماني عايشه ادعي ع أهلي وقول الله لايسامحهم لابالدنيا ولا بالأخره واسأل العظيم ان يوريني فيهم عجايب قدره تدرون الظالم عينه تنام والمظلوم عينه سهيره ماتنام تدعي ع من ظلمها إلى أن تأخذ حقها وأنا اسأل الله أن ينصفني ع كل من اذاني و ظلمني بحياتي من أهلي و أقاربي .
آآآآآآخ ظلم القريب يقتل وظلم البعيد يهون .
وتكفوووووووووووووووووووون ادعولي يامن تقرون قصتي بتفريج كربتي عاجلا" غييييير أجل .
وإذا عندكم نصائح اوتعليق أرجو التواصل ع الأيميل
واقسم بالله العظيم هذي قصتي واقعيه وليس من نسج الخيال صحيح في أشياء كبيره وكثيره ماكشفتها وذلك بسبب مكانة وسمعة العائله ويجب التحفظ ارجو المعذره . .
انتظر الردود على القصه وتقبلوا تحياتي
