الى كل من هجره حبيبه كلام راقي

اقضي ايامي غريق بوحدتي
مركبي ذكرى واحلامي شراع
في بحر شوقي بواصل رحلتي
لين اواجه مت ترك قلبي ولاع
ان كتب ربي في بحره موتتي
لي رجاء لاتدفنوني وسط قاع
لاكن ارمو عند بابه جثتي
واكتبوا مشتاق حاول ماستطاع

دموع الشوق بعيوني واحزاني تخاويني
ثواني ليلتي غربه واعيش بعالم الحرمان
ادور بدنيتي تايه ولافي من يسليني
سوى ذكرى قديمه في خواطر فكري السهران
انا جرح الفراق احرق بقايا لهفه سنيني
واماني عشتها كانت تجول بقلبي الولهان
غريبه لحظتي صارت هموم ماتخليني
تبين للزمن حالي وترسم له شقى انسان
لهفتي زادت وشوقي لك سكن فيني
متى تجمع ليالينا اماني عمرنا الخسران
ترى طيفك معي دايم بليل الهم يضويني
ينور لي مسافاتي ويروي لهفه الظميان
غلاك بخافقي زايد وطيفك دايم بعيني
وصوتك بسمه ايامي وحبك يسكن الوجدان
انجي دمعتي مره ومره هي تناجيني
واذا ضاقت بي الدنيا احاول اكتم الاحزان

لقراءة ردود و اجابات الأعضاء على هذا الموضوع اضغط هنا
سبحان الله و بحمده