البارحه يوم نام الخلق يا نايف

السلام عليكم ورحمة الله وبركاته ..
أسعد الله أوقاتكم وقلوبكم بالخير والسعاده .,
حبيت أصبح عليكم بأبيات متواضعه أتمنى لها القبول والعذر عن التقصير ..,

البارحه يوم نام الخلق يا نايف ……………..
…………… والنوم عيا يجي عيني ويهناها

يحوفني من هواجيس الزمن حايف ……………..
………….. عنّى خفوقي و روح الود عنّاها

يحدني طاري الفرقا وأنا خايف ……………….
……….. فرقى هنوفن عسى الخفرات تفداها

أشكي لك الحال يومك خابر وشايف ……………..
……… ولا العرب مادروا بالحال وش جاها

ياخوك باب الوصل مردود ومسايف ……………..
…………. والبعد حد العيون القشر لأقصاها

روّح من العمر خمس ٍ والعمر كايف ……………..
………… واليوم ياخوك مدري كيف بأسلاها

الله على هقوة العشاق يا عارف ……………..
…………… تخونك أيامها لو طال ممشاها

هذا نصيب الهوى لو كنت له عايف ……………..
………… وهذي مقاسيم ربي كيف نقواها

لكن نسيم الغلا لاهب يانايف ……………..
……….. وش ردة الفعل كود عيونه أقراها

ياليته بقلبي اللي عاش له رايف ……………..
………. ما كنت شفت العيون وجمرة بكاها

وسلامتكم ..,

عوض الملحم

لقراءة ردود و اجابات الأعضاء على هذا الموضوع اضغط هنا
سبحان الله و بحمده

اترك تعليقاً