اغليه يعني اعشقه اعشقه يعني اموت فيه – سعد علوش

وهذاك لامنه تبسم شفت للدنيا طـــــــرف

مني وليه احببته وهو حبني منه وليه

من غير لا انا اعترف ومن غير لاهو يعترف

ليه اتحاكى وكل ابوي يعرف غاية كل ابيه

اليا فرح افرح ودمعه لاذرف دمعي ذرف

اغليه يعني اعشقه اعشقه يعني اموت فيه

يعني انا ميت مع عشقه ومرتبة الشرف

ميت ويعشق والسبب مافي داعي ان احاكيه

الغيب في الدنيا هواه وهو لحاله محترف

الشامخ اللي لا اقبل وحرني يدني في يديه

تراعدت فرايصه بالغنج وتساقط ترف

امشي معه من غير لا اين ولا كيف وليه..؟
من حيث مايجرفني اغمض عيوني وانجرف

ان قال لا اقول لا ان قال ايه اقول ايه

ما اعرف ما اسمع ما ارى
ما ارى ما اسمع ما اعرف

اللي اعرفه اني ابيه يتجمل بي وابيه

وكان العدل في صدته سجلني اكبر منحرف

يغفر لي الله والله يديمه ويرحم والديه

علمني ان البعد نقصة حال والصده قرف …