كيفكم ؟
يالله ابي اقوولكم قصتي مع <<— يتذكر النصبه اي مع كوثر ههههههه
في مرتن من المراير با االاجازه الصيفيه قبل سنتين حجرنا لخوي انه يودينا للشرقيه ولا جده نتمشى ونشووف العالم ونشووف البحر وبعد المشاورات والتحجيرات والحجج وافق
الا اسمع صووت هواااش قلت شكل الدعوى مافيه مرااح مير خني اكمل نومي شوي غيرت رايي
قمت افرك عيوني والشوشه طايره وخدي اليمين مقسم مربعات من الفرشه
نايم كذا با المقلط لا بطانيه ولا هم يحزنون زي نوم الزير سالم هع هع
واطلع با الصاله واشوف عيال خواني يتهاوشون على نظارات غطس حقت البحر
لعنبو بليسكم يالمطافيق
الي يشوفهم يقول ذولي بيسوون فلم وثائقي عن اسماك القرش والتونه
قلت خير انشاله وش عندكم << بحكم اني الاخ الاكبر قصدي عمهم لازم اعرف وش صاير
قال ولداخوي الصغنن نبي نروح البحر قلت وين ها البحر ليكون فاتحين بحر جديد في الرياض
والله ماندري بها الوقت كل شي يجوز
في هذا الوقت تجيني صفقه قويه
مع الرقبه مكف حلااقه ولا مثله ولا قبله صار كف مثل ذا
والتفت الا هذا اخوي الكبير جاي من جـده يشتغل هناك
يؤؤؤ اخووي الكبير تعال با الحضن واطمر واتعلق فيه كنه مسجل هدف <<– على طاري الهدف شفتوا المباراه امس مبرووك فوز الهلال سجل نصبة
المهم واقوول لخوي اشتقتلك يالصايع وش موديك جده <<< نسى انه يشتغل هناك
قالي وخر الله يلعن شكلك ريحت فمك رح غسل وجهك بعدين تعال سلم
وانا جالس اشمشم ريحته يلعن شكلك صايره ريحتك زينه
تتعطر من ورانا يا دب والله منتب هين
قال هذا المنديل المعطر حق الطياره يوزعون قلت بشر عساك جبتلي معك
قالي ايه جبتلك وجبت بعد صابونه صغيره سرقتها من حمام الطياره هع هع
الطياره فيها حمام يله عاد بلا نصب
عاد مو رحت لجــده خلاص تحسبنا ثيران مانفهم شلون تجي حاجه با العقل وحطيت اصبعي
فوق اذني بطريقه مستقيمه كنايه عن الذكاء والدهاء منقطع النظير <<– عندهم جده التشيك على غفله
قالي ياثور قسم با الله فيه
انت وش عرفك ماسافرت الا مره وحده وعلى النقل الجماعي بعد
<<< جرح مشاعري صرت ماني مشتهي الفطور
قال يله بس ضف قشك وتولم ودور لك كم سروال سباحه قلت خير وين نبي
قال بنروح جده ناوي امشيكم هناك ..
يؤيؤيؤيؤيؤ جده مره وحده انا مش مسدء عينيه يله يله قبل يهون اخوي
ضفينا قشنا وصراخ وحالتنا حاله الي يسمعنا يقول رايحين يحررون القدس
الي مستغرب منه كل عفشنا سروايل سباحه خخخخخخخخخخخخخخخخ
المهم ياجماعة الخير
مشينا على جمس اخوي مافيه مكيف ذبحنا الحر وانا راكب با النص
بين اخوي واخوي الكبير وعيال اخواني يلعبون ورى وكل شوي ياعيال اجلسوو
ولا ترا نرجع ياورعان اهجدو خلونا نسمع الرادو ولا ترا ارجعكم للبيت مافيه جده
قلت اخوي اخوي << وجالس اجر طرف شماغه
قال هااه وش تبي بعد انت
قلت ممكن سؤال بريء يتكلم عن نفسه قال اخبرك انت واسئلتك اسئل خلصنا
قلت انت كل شوي تقول ترا ارجعكم وارجعكم تمن علينا انت ؟؟
قام ورفع يده كنه بيعدل المرايه الي فوق وعطاني ضربه خلفيه با الكوع
ماصحيت الا وحنا بـجـده .. <<– ولا رحلت ناصر القصبي وعبد الله سدحاان
وصلنا لجده وسيده للبحر متحمسين نبي نشوف هو حقيقه زي الي با التلفزيون يطلع
ويجلسون الناس عند الغروب ويقولون كلام ورومنسيه حب ولا مو نفسه
وصلنا لكورنيش جده الظهر
ونزلنا وفرشنا فرشتنا وعيال اخواني على طول للبحر من زود الوناسه طبو بثيابهم
نسو سروايل السباحه خخخخخخخخخخ
انا بكل هدوء يعنني ماهمني الموقف رحت البس سروال السباحه وطيران للبحر
المهم غطست في البحر نسيت اني ما اعرف اسبح ومبعد عن اخواني
على بالي يعني ما اماشي ورعان رايح بعيد عنهم
وانا امشي في البحر واسبح على خفيف لين جتني ذيك الموجه الي قشتني داخل
وضعت صرت مدري وين انا بعد ماغرقت اغمى علي
ماصحيت الا وانا على فرشة خوال
ولا ابوهم جالس يضغط على صدري وانا اطلع نافوره
صحوني قلت وين انا من انتم انا وش اسمي وش تبون << اخوكم فقد الذاكره
الخوال شافوني كذا قالو خلونا نستغله
الله وكيلكم عندهم بنت ماعرفت انها بشر الا يوم تحركت
كل ذاك الوقت على بالي انها دباب ولا ترمس كبير
الزبده البنت وقعت بغرامي
وقامت تطلب ابوها يبه تكفى خله يتزوجني
عاد هو يقولها بس يابنت وين الحياا حق البنات قلت بذمتك هذي بنت
هذي لو تستحي صارت خدودها بنفسجيات على اقل تقدير
قال اص انت ولا كلمه حنا انقذنا حياتك
خلاص يابنت هو لك وتجي تجلس بجنبي وتوكلني وتغني لي
المشكله اغانيها كلها مافيها رواقه
كلها طق بطق وجالس تغط لي بسكوت شاهي وتوكلني با اصابعها
الي كنها اصياخ كباب ..<<– يلعن ام الرومنصيه
بدا قلبي يميل للبنت قلت لها وش اسمك قالت كوثر خفق قلبي بحبها
قلت تصدقين قالت هاه قلت انا حبيتك اول ماشفتك
صح انك كبده اقصد عبده بس الحب مايعرف ابيض ولا اسود .. <<– حظه دايم يطيح في العبدات
يوم ناظرت للبنت ولا عيونها صارت حمر
وخشمها قام يطلع دخان احمر واخضر زي الي يطلع من الطيارات
قالت لاتقول عبده لا اتوطا ببطنك ..
انا خفت وبدون شعور قلت اسف ياحبيبتي
يوم ارتخت العبده وتفككت قالت يابعد قلبي والله اني حبيتك عشان قذلتك
وترفع الغطوه وتطلع براطمها على بالها بتعطيني بوسه قلت لحظه لحظه
انتي وش بتسوين الحين قالت بعطيك بوسه قلت وينه فمك ؟
لعنبو بليسك هذا كله فم تصدقين اتوقع لو تضحكين طلعت الجمجمه ههههههههههه
يوم حمرت عيونها قالت وش قلنا
قلت خلاص خلاص بوسيني يله .. الله يلعن ام الذل والأغتصاب ياناس
يوم باستني هذا اخر شي اتذكره
اغمى علي ربع ساعه بعدها صحيت وتذكرت كل شي……..
تذكرت ابوي واهلي كلهم وتذكرت جمسنا اللي مافيه مكيف
طلعت ذاكرتي طايحه ببطني ويوم باستني شفطتها ورجعت الذاكره
قمت ورحت اركض عند اهلي وهي تصيح تبيني
تقول ارجع ياقلبي ارجع ياكل الحب
قلت اقول يله هناك انتي وبراطمك اللي اكبر من كيبوردي هههههههههههه
الا يوم جلست تبكي وتصيح
طبعا انا كان ودي اني اقول هالبيت لاني توني عارفه وادور اقرب مناسبه اقوله فقلته لها
ليتني ماشفت في عينك دموع….منظر الدمعه على خدك هلاك.
المهم قلته لها الا يوم سكتت
قالت انا احساسي مايخوني احس انك تحبني ومن يشووف هالجمال ومايهيم في حبه وهي تهز راسها تقول بنقاليه هههههههه
وانادي عيال اخواني قلت حذفوها بالحصى بس عاد عيال اخواني يحبهم للحذف هاذا احسن شي فلحوو فيه مايخلون ولا قلابي يمر الا كاسرين قزازته <<– عشاان القلابي مايقدر يطردهم
المهم شوي الا يوم راحت بعد كمن فلقه
وانتهت قصتي مع كوثر حبيبتي <<– يلعن ام الحب
اتمنى ان القصه حازت على راضكم واستحسانكم واظهرة البسمه على وجيهكم <<– وش رايكم فينا ي صاير اسلووب صح
