ودّعتك الله ولا تنشد عـن الباقـي
لاتقول من خاطـرك والاتصنّعهـا
جيبوا لي المحبره جيبوا لي اوراقي
تكدّس الصبر في النفس وصوامعها
مادام عذرك تقول الجـو ماراقـي
حاول تدوّر على اللي سهل تقنعها
ولوكنت دقيت لك في غاية اشواقي
اعرف تراها دقايق حيل مااسرعها
حبّك تمّلآ به الماعون ثـم راقـي
لاتجرح الكبد لا تلمـس مواجعهـا
قلبي سِكر بك زمان ٍ فات مافاقـي
واليوم طاريك في كبدي يزوّعهـا
لكن روّح ياعلّك في الف طقاقـي
وياجعلها للعمى ان هلّت مدامعهـا
لاتقول مشتاق شفني راكز ٍ ساقـي
ماسك شليلي واقـول الله يقطعهـا
العشره اللي تجي من دون ميثاقي
مثل السِلع بين شاريهـا وبايعهـا
لاصار ماهي تِسَاقى كنهـا ساقـي
فاكيد بتموت ضميانـه شرايعهـا
تحيـــــآتي 
