من ضيقتي
من ضيقتي
من كل هم بداخلي
سرحت باحلامي لفوق
وكان الدليل نبض الخفوق
اللي يحدد منزله
ومن غير ما اشعر أو أحس لقيت نفسي بالمكان
أركض تقل فيني جنون
لين اختلط دم العروق
مع دمع عيني اللي انهمر
أحسها فوق الخدود مثل الجمر
لين التعب … بسيفه ضرب … وقطَّع لي حيلي والكيان
كان الأنيس برحلتي
نجم السما ونور القمر
هم عانقوني بعبرتي
والقلب من حزنه انكسر
حتى السحاب من طيبها رشت لي أمطاره حنان
تدري أنا وش علتي
إني إذا شفتك قريب
ما اقدر أسير خطوتي
مقدر أجيلك يا الحبيب
يمكن حيا .. يمكن خجل … ليتك تحس وتخلي قلبك لي مكان
نفسي أشوفك لو في يوم
مقبل علي بفرحة وسعد
مقبل علي من دون لوم
من دون صرخة (فيه احد)
تراني من كلمة أذوب واصير لك خاتم أمان
يا ليت يسمع صرختي
يا ليت يمسح عبرتي
يا ليت انا وخلي جميع
ما نفترق طول الدهر
هذا تمني عاشقة …. وانا بمصيري راضية أبقى معك طول الزمان
