مزوح تجي وتروح [ مواقف للمزاح مع الشباب ] – خاص بالرجال

انا ومعاي فريق كامل من الممرضين والممرضات والدكاتره .. كنت واقف بعيد مابي اشتغل لأن الحرمه الله يرحمها توفت من أول مادخلت قريتْ الـمؤشرات .. وسألت الدكتور قال لآزم ربع ساعه ..

المهم كان فيه واحد من الشباب صيدلي الآدمي هذا أحبه حيل تعرفت عليه بالعمل من الطائف

إشتغل الأخ معاهم وكان أول مره بحياته يشتغل على الـ CPR

هو الوحيد اللي إشتغل صحيح والحق ينقال بحكم طوله وجسمه كان أكثر واحد عمل الطريقه صحّ يعني دفعه قويه جداً .. مالكم بالطويله

بعد ماخلصوآ وكل شي همست بـٍ إذنه بثنيه خفيفه وقلت له : الله يهديك كان خففت شوي على المرحومه …!!

زي ماتقولون وسوس .. سألني قال : أنا سويت شي غلط .. ؟

قلت له : همممم مااقول غير الله يخارجنا

الآدمي بدا يعرق وحالته قلبت حاله

قال لي : يعني عشان الدفعه كانت قويه وسكت ………..

قلت : إنآ لله وإنا إليه راجعون

ياحبني له ورب الكعبه من الخرعه جلس على كراسي الزياره فوق 18 كرسي وهو يرجف

حزنت عليه ورحمته قلت يكفي لعب رحت له وقلت له الصراحه إنت إشتغلت صح وكان فلم مسويه فيك انا وفلان آدمي وخوينا الثاني قصمنجي

صدقوني أعنف بوكس أخذته بحياتي هذاك البوكس وأسقطني أرضاً وانا ميت ضحك على شكله

أدري ثقيله بس تقبلها بروح رياضيه عاليه وبخليه يحكيها لعيال عياله