السلام عليكم ورحمـة الله وبركآتـه
اسعـد الله اوقاتكم .. وطيب الله لياليكم .. وتقبل الله أعمالـكم ..
أمـا بعـد :
اتقـدم للجميـع هنـا بجزيل الإحترام وجليل الإمتنـان .. والصرح للمقام الأعلـى والسـلام الأجلـى .. وشغفــي معي بأن أطلعكم على مابين يدي كأولى مشاركاتي لمدونة همس …
متمنيـا لي ولكم السير معا على خطى الأخوه والهدف الأسمـى …
لكـم .. أبيآت .. القصيـده ..
.. ( العنـود الغشمـريـه ) ..
شاشت(ن) صابت فؤادي بالسهم وسط البريه
يوم لاقيت العنود الغشمريه .. مت حي
بالغنج تملك سياده تهلك الروح الغويه
والغنج وسط الطهاره يلهم الإحساس غي
والحيا نهر(ن)سبيل(ن) يروي عروق الضميه
والضمى شوفت جنابه كالعمى .. والشوف ضي
شدني صوب الغزاله دلعنت بنت(ن) شقيه
مع دلال النرجسيه كالمزون بعين في
في ضياها تحتويني بالغلا تلك العذيه
وفي عذاها مع دفاها ارتعب وتقول (وي) ..!
والشبه بالحسن الأكبر زي عذق السكريه
ذايبه وسط الضماير والضماير شوق كي
والكلام حروف .. فاقت بالعمر عمر الصبيه
من بساتين المحبه تقطفه والورد ني
بالكرم صاغت فؤادي (بالشرف) زين ومزيه
من مزاياها كرمها بالحشيمه .. روح طي
بنت زايد .. عشق زايد ..العنود الغشمريه
في وصايفها العجايب والعجب فيها ولي
والوفا فيها حكايه تروي افكار(ن)وفيه
كالسما فوق الخلايق انظره واقول زي …
حاكم(ن) يلطف سواتي ويتحاشى بي خطيه
وأحشمه تاج(ن) براسي حاكم(ن) والقرب خي
روعتي يابنت زايد في مذاقك سكريه
وي ياقلبي تركد وي يالبيه وي …!
وســلآمت نوآظركم …
