السلام عليكم خشم خشم 
اولا حبيت انزل موضوع هوون وانور قسم مشرفتنا رجاااء السنعه
واحط لكم مواهبي الخوقاقيه في المطبخ >>حلوه الثقه 
الحمدالله بعد ماصرت اعرف اطبخ
الموهيم للاسف اني وربي بصور الطبخه بس تم الهجوم عليها من قبل " بكسر القاف" من والدي العزيز وبغى يحوس
خشتي مالقيت اطلع مواهبي الاوهو جاي من الدوام تعبان
الموهيم >>>>>>>مطوله
وامي تقول اعوذ بالله حومتو كبدي ماغير مكرونه وكبسه وقلة حيا؟؟؟ >>> 
وانا اللي اقول افا عند وجهك ياميمتي
واسكر تعب وافتح منال العالم
واخذ هذيك الطبخ الخوقاقيه وبعلمكم عليها الان "
اولا ماراح احدد مقادير لان على حسب انتم كم نفر بس بقول لكم الطريقة
وانتم قدروا
المقادير :
- دجاج مقطع ارباع
- بهارات مشكله
- قرفه
- لومي
- ورق الغار
- هيل
- فلفل اخضر حار
- فلفل مطحون
- ملح
- مستكه
- الفرن يكون حاار قدن
الطريقــــــــــــــــــــــــــــــــــــــــــــ ــة :
1- تحطين الزيت وتقطعين بس حبة بصل صغنونه عشان الطعم وتسوين
كشنه عاديه بس وتحطين البهارت مع البصل ويتكشنون مع بعض
الين توصل الريحه الى جنبات مخيخك الايسر
2- ترمين الدجاج وتقلقيلنه مع الكشنه كذا 10 دقايق وبعدين تصبين المويه
المغليه مسبقا وتخلينه الين يستوي غالبا مايبيله نصف ساعه
قبل مايخلص الدجاج بـ 20 دقيقه تنقعين الرز لانه يبيله يتنقع 20 دقيقه
3- بعدين تطلعين الدجاج اذا استوى وتحتفظين بالمرق ماتكبين ولا قطره منها 
4- تحطين الرز بصينيه وتفردينه زييين بعدين تاخذين من المرق مايغطي الرز من فوق وتغطينه بقصدير ..وتدخلينه20 دقيقه
بالفرن
5-خلال فتره الرز بالفرن تسوين خلطه كتالي بصحن صغنون
معجون الطماطم+ بهارت مشكله + فلفل اسود +ملح وتقلبينهم زييين
بعدين تغطين الدجاج فيهم
اهم شي لاتنشف المرق مرره لازم يكون شوي فيه مرق بعد الـ20 دقيقه
نطلع الرز وراح يكون ما ستوى بااقي زيدي مرق واضيفي قطع الدجاج
المغطاه بالصلصه >>>وش رايكم انفع دعاية لـ أبل بيز؟؟؟
الموهيم عشان لون الصلصه يختلط مع المرق ويصير لون الرز لاهو
احمر ولا ابيض
يغطى مره اخرى بالقصدير ويخل الفرن
ونخليه بعد25 دقيقه زياده اخرى بعدها نصير نتفقده كل شوي نشوف ان كان
يبيله زياده مرق ولا لا؟؟؟ بس انا كان معي هالوقت بالضبط ..
وخلاص نشيل القصدير ويمسح الرز بالسمن ويتحمر الدجاج >>ماسويت خطوه السمن اهلي مايحبونو
يقدم مع السلطه :
وسلطة الطحينة :
واكييييييييييييييد حبيبين السفرة السعوديه :
اتمنى من ئلبي يكون االطبق عجبكم بالفعل كان ودي اصوره
بس وقسم كان ابوي واااااصل حده فـ حطيته وتعوذت من ابليس احسن مايتعشى علي 
وبسـ بالعاااافيه على قلوبكم
> اول مره انزل طبخه بالحياه بس مضمونه لاتخافون
