ياخوك بعض النـاس بالهـرج فنـان
ومواقفـه دايـم تجـيـب الفشيـلـه
يسنـع الأسلـوب بشكـال وألــوان
ومثلـه تـرى واجـد ولاهـم قليلـه
أحد(ن) يجي للمرجلـه بـس بلسـان
واحـد(ن) يجيهـا بالعلـوم الرذيلـه
واحد(ن) على الأصحاب كاذب وخوان
واحد(ن) يحط الكـذب فـوق الفتيلـه
واحد(ن) على ربعه سموم(ن) ونيران
واحد(ن) على الجيران كب الفضيلـه
وأعلم ترى للطيب حجم(ن) وميـزان
وأعلم ترى الأصحاب فيهـم حصيلـه
وبعض العرب ياصاح غالـي ولاهـان
أقـــدره وأفـزلــه وأنثنـيـلـه
وأنا على الخايـب شـراره وبركـان
أقـدح بـراس الزنـد وأرد الثميلـه
وأبقتبس بيت(ن) من الشيـخ راكـان
((الهرج يكفي صامله عـن قليلـه))
لاجبت قول(ن) دون صدق(ن) وبرهان
معقـب الفنـجـال عـنـد القبيـلـه
ماني من اللي جاب زور(ن) وبهتـان
حافـظ سلومـي والفعـايـل دليـلـه
وعزاه ياوقت(ن) به الطيـب عنـوان
فيـه الوفـا والطيـب فيـه الجميلـه
وختامها صلـو علـى نسـل عدنـان
علـى محمـد كـل يـوم(ن) وليلـه
