التصنيف: شعر وشعراء

روح المساء

هاذي قـوية بـاس بنت الـرجاجيل ؟؟
اللي لها باالمجد روحه وجيه

بنت الحسب بنت النسب كنها سهيل؟؟
ولا ذكـر فيها الـعلوم الـرديه

عــذروبــها فـي وصـفـهـا تــشبــه الــخـيل؟؟
فيها جموح ورغم هذا وفيه

بـنـفـاسهـا ريــح اشمرطي مــع الهيل
طعم العسل منساب وسط الشفيه

همس الوفاء روح المساء والتعاليل
لا هبهب الغربي سرى الشوق بيه

هي غاية المشتاق لا نسنس الليل
سبحان من صور هذيك البنيه

منها الحلى طاغي على حسنها حيل
مااخذ عسل من كل زهره شويه

تبقى شموع الشوق ضي القناديل
ماشافت عيوني مع الغيد زيه

باقى على درب الامل والمواصيل
يمكن تحن تقول مشعل خطيه

عسى المطر يسكب عليها هماليل
تنبت ورود الفل بطراف حيه

راعي النايفه
الوايلي

هذه القصيده كتبتها شكر لكل من رد على قصيدتي ( بكيتهم ) وذكرت ألقاب كل من أهداني فيها بيت شعر وشكرت فيها كل من علق على قصيدتي ولكل أعضاء مدونة تعب قلبي
أقـبـلـوا مــني سـلامـي

زال حزني والتوجد صار له عندي حدود ******** من بدا ساري بجوده صار ساري لي رفيق
شفـت رده به شعـورٍ زاد عن كـل الردود ******** قـدَّم عـيـونه يحـاول كـيـف ينـقـذ هالغــريق
والخفـوق الي بـجـوده والـلـيالي له شهود ******** قــال بـيـتٍ بـه تـعـلاَّ وكـان بالمعـنى دقـيـق
شفـت أبـو سلطان دايم بالعـطا دايم يجـود ******** بقــايـد الـقـوات سمَّى جعـل سلـطانه فـريـق
بعـدهـم وقَّـفـت حاير دمعـتي فوق الخدود ******** مـن قصيده جـاد فـيـها ذوق طــفـاية حـريق
والـفـراشه بادرتني في عطا جزلٍ صمود ******** فـي مـعـاني رتـبـتـهـا والـقـوافـي مـا تعـيـق
وكل نجـمه والـليالي تحترم صمت العنود ******** والـقمـر لـه نـور عـالي بالسـما يـبرق بريق
ياقـمر وين القصيده ماهي عادتك الـركود ******** والـقـوافي تنسجم لك والـمعـاني لـك تـلـيـق
وغيرهم ياقلب تكـفا لا يـبـادرك الجـحـود ******** كل من علق بكلمه جعـل صـدره مـا يضيق
لا تـضـنُّـوا اني أنـسـا ولا في قـلبي برود ******** كل اسمٍ مـر فـيـني صار فـي ذهـني عـلـيـق
مدونة فيه النشاما من نسـل خـير الجـدود ******** بـالـوفا وافـيـن دايـم والـوفـا حـق الـصـديق
حنا ما نعرف بعضنا لاكن الصحبه تزود ******** وكـل يـوم يـمـر نـدري ينـفـتـل حبلٍ وثـيـق
وأقـبـلـوا مني سلامي جمَّـلَه زين الورود ******** واعـرفـوا انـه لـقـلـبي كـل واحـدكـم شقـيق

خلاص اليوم انا الهجران للاشواق أعلنَتـه=قطعت الوصل لو ماني لحبل الوصل قطَاعي
وداعا دام قلب اصعوط يالمغرور خونَتـه=وداعا واعتبر مافات ذكـرى مالهـا داعـي !!
وداعا يا غديـر(ن) بآخـر المشـوار عاينَتـه=سراب(ن) للقلوب الضاميـة غادر وخدَاعـي
وداعا يا رخيـص(ن) ماضـي الأيـام ثمَنتـه=شريته بالغلا / واليوم انا بالرخـص بيَاعـي
انا قلبي عزيز(ن) لو تهين اقلوب ما هنته = يحب اهل النزاهه مايداني كل صيَاعي
اعيش ولاحنيت الراس ولا للقاع طمَنته = اشوم ورافع(ن) راسي .. ادوس الذل بالقاعي
اشمَ استنشق العزة / وطبع الذل كربنَته = حشا مانيب غشاش(ن) لزين الخُلق صنَاعي
يدلك عن خطوط الحبر ماشاله مدونَته!! = سواءا خير أو شر(ن) مدام الحبر شمَاعي
وانا باقولها ابليا تحفَظ قول وايقنَته = بأني تهت في درب الهوا والقلب به ضاعي
ولكنَي بعد ماتهت شفت العقل وامَنَته = على قلب(ن) غشاه الهمَ.. لاغافي ولاواعي
وحكَمت العقل والراي من عقلي تحاسنَته = يوم(ن) القلب رايه عاطفيَ(ن) للهوا داعي
بعد ما هملت عقلي يوم باهوائي تهاونَته = وجنَني فؤادي .. عاد ريح العقل ذعذاعي
وقسَيت الفؤاد اللي قبل معهم تليَنته = وجمَدت العلاقة يوم انا إلها قبل ميَاعي
وقررت الهجر والصد للغدَار وأعلنَته = نعم مع هكذا غدار أنا للوصل قطَاعي

ماأبي تزعل حبيبي ,,ماأبي طاري زعل=أعرفك زعلان مني من تقولي تسمعين؟؟
من تنادي باسم غيري من (بدر) يصبح أمل=والأمل عندك وصالي وادري في قلبك حنين
لو جميع الخلق تهوى ماأبي منهم وصل=إنت في قلبي غرامك كل وقت وكل حين
تبتسم أيام عمري والعنا مني رحل=يوم اشوف إنك بقربي كل قاسي لي يلين
لو تقول النمل الابيض ينتج اقراص العسل=قلت لك صح ياحبيبي…وأنت سيد العارفين
تدري ليه أسمع كلامك؟ لاني أدري بك عدل=من أخذ رايك بِحكْمَه يبعده عن كل شين
أنت وافي لي بحبك وانت مامثلك حصل=أنت مامثلك بهذا الكون صادق لي أمين
الثواني في بعادك ثقلها ثقل الجبل=والدموع اللي تسابق لجل عينك شاهدين
الجسد من حر مابي قرّب يصيبه شلل=ويل قلبي كان هذي حال باقي العاشقين
ياغلا عمري وروحي فاض حبك واكتمل=ماتَأَثر بالليالي لا ولاطول السنين
هدي أعصابك فديتك مانبي كثر الجدل=يفرح العاذل ويبقى قلبك الغالي حزين
أنظم الأشعار لاجلك واكتب ابيات الغزل=حبك اغلى من حياتي حبك بقلبي حصين
أنت نبضي وانت حبي ما أبي غيرك بدل=يحفظك ربي بحفظه حفظ رب العالمين