التصنيف: شعر وشعراء

يازين لك عندي من الحب ذكرى = تسوى ملايين الذهب والجنيهات
يوم انهم قالوا ترى العيد بكرا = ما بغي اوضح والامل فيك ما مات
نقضت في عهدي ولا هوب غدرا = لا صارت النيه محبه سليمات
ذكرا لها في داخل القلب عطرا = الله لا يرسل عليها مضرات
اللي له اشواقي من الحب تترا = لو يختفي عني كثير السنوات
قلبي من اشواقه فلا ظن يبرا = لو تنتقل عروى جنوب السراوات
هو الوحيد اللي من البيض يطرا = في قلبي اللي مهتويها ولا بات
اسهر مع ليلي على ضوح قمرا = واخايله جنب القمر بالفضاءات
واسج مع نفسي مع الوقت فترا = وارجع لها كل الدهر بالخيالات
ياما تخيلته معي ليل سمرا = وياما تخيلته معي بالممرات
وياما تخيلته يطالع بنظرا = ومره تخيلته تسمعت ضحكات
وياما تخيلته مع الليل مسرا = نفر انا وياه كل المحيطات
وياما تخيلته معي دوم يقرا = قصائدلي قلتها فيه بالذات
اصبحت انا وياه بالروح خشرا = بينه وبين الروح صارت مساوات
ياما نظمت امن التماثيل شعرا = لعيونها دونتها فالسجلات
وقطفت له ورداً وجوري وزهرا = وعلقتها في لوحتي بالرسومات

مدري وش اكتب و اختار قصيد=بس يالله بتكلم عن ابطال عروبتنا
كان مننا عنتر محطم الحديد=اشجع رجل مر على دنيتنا
والزير جى بعده والانتقام شديد=حارب اربعين سنه في جيزرتنا
وبعده جى الاسلام بنور جديد=ارسل ربي من يغير عيشتنا
محمد ابا القاسم الاسد الصنديد=اقوى رجل انهى كل جهالتنا
اسمحلي بيوتي لك محدده تحديد=لني اخجل منها يابطل امتنا
من مثلك يارسول الله تبيد=الاصنام اللي ضيعت كل عبادتنا
مهما احكي عنك ياحبيبي مايفيد=تعديت الوصف وحتى اللسنتنا
وصحابتك جو على ماكنت تريد=اقوى رجالن هم رجال صحابتنا
طلحه وعمر وعلي وابن الوليد=وكثرت الابطال والله حيرتنا
شجعان الصحابه عن الالوف تزيد=وماننسى ابد ابطال تابعيتنا
صلاح و ابن زياد والمعتصم العنيد=اللي سير جيوش عشان بنيتنا
وبين كل التواريخ يصعب التعديد=ابطال راحت لاكن ساكنه بذاكرتنا
وبعصر قريب بالسعوديه بالتحديد=الملك فيصل من ابطال عروبتنا
اللي قال لمريكا (لا) وصاح بالوعيد=ليحرر فلسطين والموت رايتنا
وجهز جيشه الفحل الشجاع الصنديد=صايم وقال افطر في اريحتنا
لاكن جته طعنه واصبح شهيد=طعنه مسلم من بني جلدتنا
حنا العرب حنا جبنا العيد=اشهرتنا الخيانه بالحيل اشهرتنا
والله مهما احكي وازيد واعيد=مانتحرك دام ماتت نخوتنا
الوف البنات في عاصمة الرشيد=اغتصبوهن المجوس راحت ضحيتنا
وتصرخ بصوت مسموع و شديد=وينك يامسلم الكفار اغتصبتنا
محدن التفت لاقريب ولا بعيد=الله علينا وين راحت فزعتنا
القلب ماعاد يحس اصبح بليد=صرنا حريم وانتحرت رجولتنا
وينك يالرسول وينك يالعضيد=شف بعدك كيف ضاعت امتنا
وتعال ياعمر انت وابن الوليد=قيدنا طليان والغرب كلتنا
وياعلي المجوس لعربوتنا تكيد=ويدعون حبك وذي سالفتنا
وياعلي وينك يامن تحسن التسديد=علم الامة كيف كانت شجاعتنا
ويافيصل شجاع مثلك نريد=قال للدنيا عيشتك ما همتنا
الله يرحمكم ياابطال ياصناديد=والله يبعث من يراعي دمعتنا
وحنا العرب دهورنا التقليد=لين خلانا نمحي اغلب ثقافتنا
واليوم جهالتنا بالدين تزيد=اصحبنا مانعرف شي عن اصالتنا
واليوم هم المسلم يعيش سعيد=ماهمه اسلام ولاحتى عروبتنا
وحتى اللي يدافع ويرد ترديد=يبغي بس الشهره اللي اذبحتنا
لاهين كيف بس نزيد الرصيد=اموال وعيال وحبيبه خانتنا
او موضه ندور على التجديد= شف همنا وشف سخافتنا
او كورة قدم شف لعب يزيد=ندور النصر لو حتى بكورتنا
مالومكم النصر صارحلم وبعيد=حين نسينا وهجرنا اغلب عبادتنا
ماننتصر الا في ايمان حديد=ونبيع حب الدنيا في اخرتنا
وبكل صراحه خذ العلم المفيد=قرب يجي يوم قيامتنا
وتجي في زمن غفلة ياعنيد=جاوبني كيف حال غفلتنا
نسينا القيامة ويومها الشديد=ضعنا ..والدنيا هي ماضيعتنا
حين اصبح هم ناصر وسعيد=سعاده دنيويه واموال جمعتنا
وحين اصبح هم ساره وتغريد=همهن فساتين ونبغى حريتنا
و بعض علماءنا جابو العيد=يفتي بلد الكفر هي حبيبتنا
للاسف اغراهم الفرش النضيد=باع الدين باموال اعمتنا
وحين اصبح الاغلبية يزيد ويعيد=اللهم نفسي لحظتها تشتتنا
شسويت لاخرتك يابو قلبن بليد=حس علامك لاتنهي علاقتنا
وبالنهايه قبل لاختم القصيد=مانبغى فزعه منكم ياعروبتنا
بغينا تصلون هذا كل مانريد=لني غاسل ايدي من نخوتنا
وربي على ما اقول شهيد=القصيد كتبته لكم يا امتنا
وترى ربي ماهو ظلام للعبيد=حنا من ظلم ودنيانا اغرتنا
عسى يصبح بصرنا اليوم حديد=لان توها بدت ترطن حكايتنا
وسلامتكم=ثامرالحماد