.
[BACKGROUND="100 #000000"]
...
[BACKGROUND="90 #CCCCCC"]
السلام عليكم ورحمة الله وبركاته
صباح الخير / مساء النور
اسـ ع ـد الله جـ م ـيع اوقاتـ ك ـم احـ ب ـتي
اسـ ع ـد الله جـ م ـيع اوقاتـ ك ـم احـ ب ـتي
طبعا قبل شويات راجعه من رحله ولا اروع ربي يسعد قلب اخويا سليمان مثل ما اسعد قلوبنا فيها
اساسا كنا طالعين رحله خفيفه شويات ونرجع للبيت وبما انو الجو من الظهر بارد بس في شمس
واحنا في الطريق شفنا الجو ولا اروع سار غيوم وهواء بارد وحلو
واحنا في الخط سليمان قال وش رايكم نتغدا سمك على البحر وربي هيصنا نعشق البحر واكل السمك
طبعا رحنا لمنطقه في جده في بحر الجنوب اسمها القريه وشترينا منها سمك ورحنا محل ثاني قليناه
هنا ما مداني اصور لان سليمان اخويا ما وقفنا محل ميختار السمك لان هالمنطقه مليانه رجال
فختار هوا السمك وراح قلاه كنا نبغى استكوزا وربيان قالو خلص هاذا لو تبغوه تجو تلقوه في الصبح ويكون عليه طلب ويخلص بسرعه
اساسا كنا طالعين رحله خفيفه شويات ونرجع للبيت وبما انو الجو من الظهر بارد بس في شمس
واحنا في الطريق شفنا الجو ولا اروع سار غيوم وهواء بارد وحلو
واحنا في الخط سليمان قال وش رايكم نتغدا سمك على البحر وربي هيصنا نعشق البحر واكل السمك
طبعا رحنا لمنطقه في جده في بحر الجنوب اسمها القريه وشترينا منها سمك ورحنا محل ثاني قليناه
هنا ما مداني اصور لان سليمان اخويا ما وقفنا محل ميختار السمك لان هالمنطقه مليانه رجال
فختار هوا السمك وراح قلاه كنا نبغى استكوزا وربيان قالو خلص هاذا لو تبغوه تجو تلقوه في الصبح ويكون عليه طلب ويخلص بسرعه
ويالله اكملكم باقي رحلتي بالصور
[/BACKGROUND]
...
[BACKGROUND="90 #CCCCCC"]
طبعا هاذي الصوره من السياره للجو واحنا ننتظر اخويا سليمان يختار السمك ويقليه
وهاذا صورة المطعم اللي اشترينا منو الرز والصحون والملاعق طبعا مالقينا رز ابيض مالقينا غير رز بخاري
وربي هاذا الرجال مدري اش كان يحمس على الصاج يا ان الريحه تبع حمستو اللي على الصاج لعبت في بطونا للعب ريحه تهبل على الاخر
وجاب اخويا سليمان الرز وانا في السياره اخذت لكم كم تشك للجو وللحته اللي متوجهين لها وهاذي الصور
الابيض اللي في الصوره الجايه هاذا ملح
وذحين وصلنا للمكان الي جلسنا فيه بعدها التقط صور للبحر ومنظر الغيوم وهاذي الصور
هنا الامواج كانت بعيده علي بس قدرة اخذ لها صوره
ذحين جا احلى وقت على قلبي وقت الغداء طبعا مشترين الصحن والملاعق من برا لانو ما كنا حاسبين انو راح ناكل سمك كنا طالعين نتغدا شاورما بس ربي ما اراد وحياكم الله معانا على قل الكلافه
وهاذي صور للغدا قبل الهجوم
وهاذي صور للغدا قبل الهجوم
وهنا في بداية الهجوم على السمك
وهنا بعد ما خلصنا الهجوم على السمك طبعا
وعلينا بالعافيه وكان لسى في زايد بس اعطينا منو وحده للبسه والباقي شلناه لسلطان ونايف في البيت
وعلينا بالعافيه وكان لسى في زايد بس اعطينا منو وحده للبسه والباقي شلناه لسلطان ونايف في البيت
وهاذي صور للشاطئ والسماء بعد ما خلصت الغدا
هنا كان الوقت خلاص اذن المغرب وكذا كان شكل الغيوم
هنا خلاص ابتدا الليل يدخل علينا
صور للشاطئ في الليل طبعا كان البحر ممتلئ طحالب بصوره رهيبه بس لون البحر كان في النهار خيال
وهنا خلاص الدنيا سارت لليل وللاسف هاذي الحته اللي احنا فيها في عواميد اضاءه بس ما تشتغل
وهاذي الصور بعد ما عتمت الدنيا
وهاذي الصور بعد ما عتمت الدنيا
ذحين بوريكم بنات اخويا سليمان اش يسوو طبعا غلا لعبة في الدباب وذبحتنا بصدماتها وهاذا دبابها
وبعد ما شافتنا نخاصمها لانها كل شوي خابطه في ظهر وحده فينا نزلت واتوجهة
طبعا مرت من جنبا سيارة الايس كريم وعدت من عدنا ونفوسنا فيها بس ما قدرنا ناكل لان الجو بارد مره واذا اكلنا الصغار يبغو ياكلو واذا اكلو مع البرد اللي ينفض العظام على البحر راح يمرضو خليناها تعدي وعيونا مليانه دموع وهاذي صورة السياره تبع الايس كريم
طبعا مرت من جنبا سيارة الايس كريم وعدت من عدنا ونفوسنا فيها بس ما قدرنا ناكل لان الجو بارد مره واذا اكلنا الصغار يبغو ياكلو واذا اكلو مع البرد اللي ينفض العظام على البحر راح يمرضو خليناها تعدي وعيونا مليانه دموع وهاذي صورة السياره تبع الايس كريم
طبعا انتو عارفين لا يخلو شاطئ في جده من كتابات العشاق وقعدت التقط لكم تشكات لكتاباتهم بالفحم وهاذي اول صوره التقطها على الارض
واتعب انا على هاذا القلب المكلف لا وجواه احبك واموت فيك صدق ان الحب عذاب ويسوي الهوايل ويفجر مواهب تحبس الانفاس مثل رسمة هالقلب اللي في الصوره
وهاذي ثاني صوره مكتوب محمد والاسم كان مكتوب جوات شي كبير ما ادري هوا وحش هوا فيل العلم عند الله اهم شي كتب ذكرياتو على البحر يا اني مت على خط اللي كتب محمد من الضحك
بس فديت اسم محمد انا
بس فديت اسم محمد انا
اما الي جاي هلك نفسو وهوا يكتب حرف الـ M بجميع الاشكال والمقاسات
القلب اللي فوق حرف الـA مدري اش يبغي بس انا قلت شكلو علامة الحب الاكبر هههههههه
اما ذي اللي رسمها تعب عليها صراحه وليتو خلى الفحمه احد يستفيد منها ابرك
وما اخفيكم سراً بنات اخويا يلتهمو من ذي الحلاوه اللي صورتها اسفل من اليوم وانا اطالع ونفسي فيها قلت لزوجة اخويا جايبه منها للبنات زياده قالت ايوا قلت اعطيني وحده قالت انا جايباها للبنات مو لك وتضحك قلت هات بس مالت عليك وعلى بناتك
وهاذي صورة الحلاوه يمي يمي يمي يم اعشق هاذي الحلاوه وربي
وهاذي صورة الحلاوه يمي يمي يمي يم اعشق هاذي الحلاوه وربي
وذحين البرد نفضنا وربي والكل ساير قاعد على الهزاز واحنا جايبين معانا الحلى والقهوه والشاهي والتسالي بس وربي ما قدرنا نقعد اكثر وقلنا يالله نروح نحلي في البيت ورحنا واحنا راجعين غصون تبكي الا والا تبغى تسوق وابوها ما يبغاها تقعد تبكي وتزعق لان طبلة اذنها مخرومه والدكتور قايل خلوها تبعد عن البكاء والصياح عشان لا ياثر على سمعها وابوها اعطاها الطاره تسوق فينا ومبسوطه واخر ضرس عندها بان من الفرحه وهاذي وهيا تسوق
وهاذا منظر صحون الحلى اول ما رجعنا البيت قعدنا نبغى نحلي كيكة ام السليمان اسم الكيكه كذا كيكة ام السليمان مو عشان اخويا لا وبسبوسة الطازج وهاذي البسبوسه واااااي وربي كلمة يمي يمي يمي يم شوي عليها وكلها من عمايل يدنا
وبعد ما حلينا طلعنا السطوح لان الجو كان رهيب هنا ما شلت كاميرتي معاي بس اول ما نزلت من السطوح بديت اكشح صور
وبعد كذا طلعو بنات اخويا وزجتو لبيتهم وانا دخلت اعمل الموضوع واضيف عليه بعض لمساتي
[/BACKGROUND]
...
[BACKGROUND="90 #CCCCCC"]
يارب تروق لكم رحلتي
حبي لكم
حبي لكم
[/BACKGROUND]
...
[/BACKGROUND]
