شميت عطرك شعر رائع

البارحه شميت عطرك مع الريح =سرى ليلي يالغالي وأنا أتبعـه
من الوله والشوق أقوم واطيح=التعب فينـي أنثـره وأجمعـه
سمعت صوتك ورديـت أصيـح=صدى صوتك من بعيد أسمعـه
جيتك أنسان مهـدود وجريـح=جيتك أحساس شوقه لك أدمعه
جيتـك قلـب عاشـق صريـح=قلب صادق بلا زيف أو اقنعـه
جيتك بوقـت يالغالـي شحيـح=جيتك وقلبي عن غيرك أمنعـه
ضمنى ياروحي خلني أستريـح=ضمنى وهذا اللي بحياتي أطمعه
أنت عمري وأنت عالمي الفسيح=وأنت الغلا ماهو كلامأ اصنعـه