فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انكسبب كل الحروب
كأنو بسببك الحق مات
و العدل بارضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على القدس بلحظة الغروب
و دبح صبيان و بنات
و عجز على امرها مغلوب
مع انو الحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ماإنحنى
بوجه الريح القويه
انا الي شعبي صمد
في الضفه و بالرشيديه
اناالي شعبي انتفض
و بحجر حارب دوريه
و اليوم و بكره و للابد
عنا كلمه وحده هي
أنا إسمي فلسطيني
وعمري عمر نكبتنا
أبي ألقى على سمعي:
بني أعد كرامتنا
وأمي أرضعتني العز
يجري في شراييني
فحاورني حوار الند للند
أمامك أنا الجندي
أدافع عن ثرى أرضي
أذود بروحي عن عرضي
ألا تعلم ؟
بأني لا أخاف رصاصك الدامــي
ولا أرهب
ولا تهتز أقدامــي
فكل الأرض تعرفني
بتضحيتي
وإقدامـــي
وتعلم أنني الأقوى
جبان أنت لا تقوى
على ثنيي وإرغامي
ولو كبلتني دهراً
ولو أسقيتني مراً
ولو أحرقتني جمراً
سأمضي رغم آلآمي
إلى تحقيق أحـــلامي ….
الشكر الوفير لكل من شاهد موضوعي وأتمنى التثبيت وشكرا …
