ليت لك قلب مثل قلبي من التوديع جافل _ سلطة ورق عنب من مطبخي – شيك

طابت اوقاتكم يا أحباب …

طبق سلطه خفيف حبيته كثير وطعمه كان لايقاوم
وخصوصاً لمحبين ورق العنب

الصور شوي لكن الطريقه إن شاء الله تكون واضحه لكم ..مافيه مقادير
معينه كل شي حسب رغبتكم

نبدا على بركة الله

اول شي راح ننقع كوب برغل خشن في مويه حاره لمدة ربع ساعه تقريباً بعد كذا
وراح نحتاج ربطة ورق عنب مقطعه قطع صغار
ناخذ قدر او طنجره ونحط فيها بصل مفروم + ثوم مفروم + حبة ماجي +
نحمس المقادير مع بعض عقب نضيف لها ورق العنب المقطع
والبرغل المنقوع ونقلب الخليط مع بعض نزيد عليه كوب ماء
ونتركه على نار هاديه لحد ماتنشف المويه ويصير بالشكل هذا

للخطوه الثانيه راح نقطع حبتين طماط
وحزمة بقدونس انا ماكثرت البقدونس لإن فيه من اهلي مايحبون طعمه يبان بالاكل
فلفل حار اذا حابينها تكون حاره

الخطوه الاخير راح نضيف خليط البرغل على الطماطم ونزيد عليه
زيت زيتون
دبس رمان
مقدار بسيط من منقوع الصبار " التمر الهندي "
ونصف عصير ليمونه

طبعاً المقدار راح لكم على حسب ماتحبون حامض ولا متوسط الحموضه

والنتيجه النهائيه بدون زينه وشغل " الجوع كافر "

ملاحظه ممكن تستخدمون الارز المصري بدال البرغل لكن حقيقه انا ماجربت
حبيت فكرة البرغل أكثر