السلام عليكم ورحمة الله وبركاته …
يامساء الهدؤ وراحة البااااااااااااال ..والنسكافيه والشوكولا …حاسة كأني طالعة من سجن ..
بعد 10 أيام من الخوف والقلق ..كللت بالنصر ولله الحمد …
طبقي اليوم هو/
" كيك البرتقال بالزبيب والشوكولا" ..
هاي الكيك بالمناسبة عملتها بعز القصف وعلى أصوات الصواريخ والقنابل …وكانت عبارة عن تحدي
أنا وعيلتي لما بكون في حرب بنجتمع كلنا بمكان نعتقد بإنو آمن ..المهم كنا قاعدين وخايفين ..
ومع هيك جاااااي على بالنا شئ حلو ..وضربت بعقلي أعمل كيك ..قالولي مجنونة إنتي شو كيف
رح تروحي للمطبخ ..المهم قولتلهم خلص رح أعمل رح أعمل …بس بشرط ..إذا استشهدت
بتشربوا الناس بعزائي ..نسكافيه مش قهوة سادة 
..وبتوزعوا وجبات همبرغر بدل الرز واللحم ..
…
طبيعتي لما بخااااف بضحك وأعتقد إنو هااااااي ميزة .. المهم رحت أنا وبنت عمي مرافقة ..وعملنا
الكيك ..وللامانة العلمية ما صورت ولا خطوة لإنو كنت خايفة ..صحيح عندي قوة أتحرك من مكاني بس الدافع
هو الإيمان بقدري يعني لو ربنا كاتب إني أمووووووت رح أموت حتي ولو بقيت بمكاني..لكن الحمدلله تمت العملية
بسلام 
وبهيك بحمل لقب اكبر إستفزازية للجيش الإسرائيلي ..
..ولكن هاي صورة للشكل النهائي 
…
[IMG]
[/IMG]
ما أطيبها ..كانت ..
..
هاااااي الخطوات لنفس الكيك ..بس قبل الحرب ..والبااااال كان رايق ..يلا نبدأ بالمكونات :
3 كاسات طحين ..
نص كاست حليب ..+ كوب زيت ذرة ..
5 بيضات …+ 5فانيلا..+5 باكينج باودر..
كاسة عصير برتقال ..طبيعي ..+كاسة سكر..
نص كاسة زبيب..+ ملعقة بودرة شوكولا ..
برش قشر برتقالة ..او ليمونة ..
نضع كل المكونات الجافة في وعاء ..الدقيق ..والباكينج بودر .. ..وبرش البرتقال ..ماعدا
السكر..والفانيلا..
هنا نضع كل المكونات السائلة في المولينيكس ..البيض..والحليب ..وزيت الذرة .. والسكر والفانيلا
والبرتقال ..ونذيبهم بالخلاط..
نضع الخليط السائل على الخليط الجاف ..حتى يصبح شكل درج..
ندهن قالب الكيك بالسمنة والدقيق ..ومن ثم نضيف الخليط ..
جاهزة لدخول الفرن ..
الشكل بعد الخبز ..
هاااي كمان صورة لنفس الكيك بس بقالب تاني ..ومضاف عليها شوكولا ..
نأخذ جزء من خليط الكيك ونضيف عليه شوكولا بودرة ..ومن ثم نضعه على الجزء الباقي
ولكن واحد تلو الآخر ..
[IMG]
[/IMG]
[IMG]
[/IMG]
تحياتي للجميع وإن شاء الله يكون أعجبكم ..
