يالله يـــــــــــاعالم خفا كل الأبــــواب
ياعالم ن باســـــــرارنا والخوافـــــي
ترحم مقام الطيبيــــن أهل الالبــــاب
وتعز جار الدين من كـــــــل هافــــي
من بـــــعدها والشعر بيبانه قــــراب
عّزمت أفصّـــــــــل للعلوم بقوافــــي
نيابة ن عن نفس نفسي والاقــــراب
وعن كل رجـــل ن بالحمية يوافــــي
مما جرى في ليلة ن خاب الاذنــــاب
فشلهم الله بالغـــــــــدر والهوافـــــي
راســـك رفيع ن يامـحمد ولا خــــاب
وخاب العدو يا نسل نايـــــف وعافي
مـــــــــادام ربّك ربــــّنا ربّ الأرباب
يخســـــي العدو ياسيـــدي ما يشافي
لي ثارت الدنـيا على بعض الاحـباب
ثــرنا وسّليــــنا الحــــــــداد الرهافي
واللي يخون وممــتطي بغل الارهاب
يبطي على خشـــمه شديــد الرعافي
حنّا الوفا ياهــل الوفا ستـر وحجـاب
وأنتم علـــينا غيث دين وعـــــوافـي
متلازمــين وعهدنا عند الأجـــــنـاب
مضرب مثل والسر معلن وخافـــــي
أخوان في دين الولي رب الأربـــاب
واعداء على جن الرمل والســوافـي
مانـي فقير ولا على طبعي كــــــذاب
حدتني الغيره ولا أقـــــــــــول كافي
وأخصّ نسل شيوخنا شيـخ الأحباب
محمد ولد نايف عسا الشعر يافـــي
خطّيتها في منتــــــــدانا للأصحــاب
وساقتني الغيره لخط القوافــــــــــي
كنز الكلام
